மும்பையில் பலத்த மழை: ரெயில் சேவை பாதிப்பு


மும்பையில் பலத்த மழை: ரெயில் சேவை பாதிப்பு
x
தினத்தந்தி 19 July 2021 10:37 PM GMT (Updated: 2021-07-20T04:07:54+05:30)

மும்பை, தானே மற்றும் சுற்றுப்புற மாவட்டங்களில் 2-வது நாளாக பலத்த மழை பெய்தது.

மும்பை,

மும்பையில் பலத்த மழை காரணமாக நேற்று காலை 10.35 மணி முதல் 10.50 மணி வரை முன்எச்சரிக்கை நடவடிக்கையாக மின்சார ரெயில் சேவை நிறுத்தி வைக்கப்பட்டு இருந்தது. கல்வா- மும்ரா இடையே தண்டவாளத்தில் தண்ணீர் தேங்கியதால் மதியம் 3 மணி முதல் 3.35 மணி வரை மீண்டும் மின்சார ரெயில் சேவை பாதிக்கப்பட்டது.

இதேபோல மழைக்காரணமாக நேற்று மின்சார ரெயில்கள் மிகவும் குறைந்த வேகத்தில் இயக்கப்பட்டன. குறிப்பாக சி.எஸ்.எம்.டி. பகுதியில் அதிகளவு ரெயில்கள் மழை வெள்ளத்தில் சிக்கி கொண்டன. இதனால் பைகுல்லாவில் இருந்து சி.எஸ்.எம்.டி. செல்ல மின்சார ரெயில்கள் சுமார் 30 நிமிடங்கள் எடுத்து கொண்டன. இதனால் மின்சார ரெயில் பயணிகள் அவதி அடைந்தனர்.

தானே ரெயில் நிலையத்தை வெள்ளம் சூழ்ந்ததால் மின்சார ரெயில் சேவை பாதிக்கப்பட்டது. இதேபோல கசாரா மலைப்பகுதியிலும் நிலச்சரிவு ஏற்பட்டதாக எக்ஸ்பிரஸ் ரெயில் சேவை பாதிக்கப்பட்டது.

Next Story