தேசிய செய்திகள்

மருமகனுக்கு ஆயிரம் கிலோ மீன், 10 ஆடுகள் ‘சீர்’ கொடுத்து அசத்திய மாமனார் + "||" + Did the daughter of a thousand kilos, 10 goats

மருமகனுக்கு ஆயிரம் கிலோ மீன், 10 ஆடுகள் ‘சீர்’ கொடுத்து அசத்திய மாமனார்

மருமகனுக்கு ஆயிரம் கிலோ மீன், 10 ஆடுகள் ‘சீர்’ கொடுத்து அசத்திய மாமனார்
மருமகனுக்கு ஆயிரம் கிலோ மீன், 10 ஆடுகள், கோழிகள் என மருமகனுக்கு ‘சீர்’ கொடுத்து அசத்திய மாமனார் குறித்த வீடியோ சமூக வலைதளத்தில் வைரலானது.
புதுச்சேரி,

தமிழகத்தில் புதுமண தம்பதிகளை பெண் வீட்டார் ஆடி மாதம் பிறந்ததும் வீட்டுக்கு அழைத்து விருந்து அளித்து சீர் கொடுத்து கொண்டாடுவது வழக்கம். அதேபோல் தெலுங்கு பேசுவோர் ஆண்டுதோறும் தெலுங்கு மாதமான ஆஷாதம் விழாவை சிறப்பாக கொண்டாடுவார்கள். அப்போது பொனாலு என்கிற நாட்டுப்புற விழாவை ஜூன் மற்றும் ஜூலை மாதங்களில் கொண்டாடி மருமகனுக்கு சீர்வரிசை கொடுப்பார்கள்.

இந்த விழா புதுச்சேரியின் ஒரு பிராந்தியமான ஆந்திராவையொட்டி உள்ள ஏனாமில் கொண்டாடப்படும்.

இந்தநிலையில் ஆந்திர மாநிலம் ராஜமுந்திரியை சேர்ந்த பாலராமகிருஷ்ணன் என்பவர் தனது மகள் பிரதியுஷாவை ஏனாம் பிராந்தியத்தை சேர்ந்த பவன்குமார் என்பவருக்கு திருமணம் செய்து கொடுத்து இருந்தார். ஆஷாதம் விழாவையொட்டி தனது மருமகனுக்கு பாலராமகிருஷ்ணன் வித்தியாசமான முறையில் சீர் கொடுக்க திட்டமிட்டார். அதன்படி மருமகன் பவன்குமாருக்கு சீர்வரிசையாக 10 ஆடுகள், 1,000 கிலோ மீன்கள், 50 கோழிகள், 1,000 கிலோ காய்கறிகள், 250 கிலோ மளிகை பொருட்கள், 50 வகை இனிப்புகள், 250 விதமான ஊறுகாய்கள் என வண்டிகளில் ஊர்வலமாக எடுத்து வந்து கொடுத்து அசத்தினார். யாருமே எதிர்பாராத வகையில் விதவிதமாக சீர்வரிசை பொருட்களை மருமகனுக்கு மாமனார் கொடுத்ததை அந்த பகுதி மக்கள் ஆச்சரியத்துடன் பார்த்து அதிசயத்துப் போயினர்.

இந்த காட்சி சமூக வலைதளத்தில் வீடியோவாக பரவி வைரலாகி வருகிறது.