5 ராணுவ பெண் அதிகாரிகளுக்கு கர்னல் அந்தஸ்து

புதுடெல்லி, 

இந்திய ராணுவத்தில் 26 ஆண்டுகள் பணி முடித்த 5 பெண் அதிகாரிகளுக்கு ‘கர்னல்’ அந்தஸ்துக்கு பதவி உயர்வு வழங்க ராணுவ தேர்வு வாரியம் ஒப்புதல் அளித்துள்ளது. 

சங்கீதா சர்டானா, சோனியா ஆனந்த், நவ்நீத் டுக்கால், ரீனு கன்னா, ரிட்சா சாகர் ஆகிய 5 பெண் அதிகாரிகளுக்கு இந்த அந்தஸ்து கிடைத்துள்ளது. இவர்கள் ராணுவத்தில் சிக்னல் படைப்பிரிவு, எலெக்ட்ரானிக்ஸ் மற்றும் மெக்கானிக்கல் என்ஜீனியர் படைப்பிரிவு, என்ஜினீயர் படைப்பிரிவு ஆகியவற்றில் பணியாற்றி வருபவர்கள். இந்த பிரிவுகளில் பணியாற்றும் பெண் அதிகாரிகளுக்கு கர்னல் அந்தஸ்து கிடைப்பது இதுவே முதல்முறை ஆகும்.