தேசிய செய்திகள்

கோடநாடு வழக்கு: போலீஸ் மேல்விசாரணைக்கு தடை கோரி சுப்ரீம் கோர்ட்டில் மேல்முறையீடு + "||" + Kodanadu case: Appeal to Supreme Court seeking stay of police inquiry

கோடநாடு வழக்கு: போலீஸ் மேல்விசாரணைக்கு தடை கோரி சுப்ரீம் கோர்ட்டில் மேல்முறையீடு

கோடநாடு வழக்கு: போலீஸ் மேல்விசாரணைக்கு தடை கோரி சுப்ரீம் கோர்ட்டில் மேல்முறையீடு
கோடநாடு வழக்கில் போலீஸ் மேல்விசாரணைக்கு தடை கோரி சுப்ரீம் கோர்ட்டில் மேல்முறையீடு செய்யப்பட்டுள்ளது.
புதுடெல்லி, 

கோடநாடு கொலை, கொள்ளை வழக்கில் போலீசின் மேல்விசாரணைக்கு தடை விதிக்க மறுத்த சென்னை ஐகோர்ட்டு உத்தரவுக்கு எதிராக அனுபவ் ரவி சுப்ரீம் கோர்ட்டில் மேல்முறையீடு மனு தாக்கல் செய்துள்ளார்.

கோடநாடு கொலை, கொள்ளை வழக்கில் போலீஸ் சாட்சியாக சேர்க்கப்பட்டுள்ள கோவையைச் சேர்ந்த ரவி என்ற அனுபவ் ரவி, போலீஸ் மேல்விசாரணைக்கு தடை விதிக்கக்கோரி சென்னை ஐகோர்ட்டில் மனு தாக்கல் செய்திருந்தார்.

அந்த மனுவில், இந்த வழக்கில் மேல்விசாரணை நடத்த உள்ளதால், அவர்கள் விருப்பப்படி வாக்குமூலம் அளிக்குமாறு பல தரப்பில் இருந்தும் தனக்கு மிரட்டல்கள் வருவதாக தெரிவித்திருந்தார்.

அரசுத்தரப்பில் 41 சாட்சிகள் விசாரிக்கப்பட்டு முடித்தநிலையில், கோர்ட்டு அனுமதியின்றி மேல்விசாரணை நடத்திவருவதாகவும், இந்த வழக்கை விரைந்து முடிக்கும்படி விசாரணை கோர்ட்டுக்கு உத்தரவிடுவதுடன், மேல்விசாரணைக்கும் தடை விதிக்க வேண்டும் என கோரியிருந்தார்.

இந்த வழக்கை விசாரித்த சென்னை ஐகோர்ட்டு, கோடநாடு கொலை, கொள்ளை வழக்கில் போலீஸ் மேல்விசாரணை நடத்த அதிகாரம் உண்டு என தீர்ப்பளித்து, ரவியின் மனுவை தள்ளுபடி செய்து ஆகஸ்டு 27-ந் தேதி உத்தரவிட்டது.

சென்னை ஐகோர்ட்டு உத்தரவுக்கு எதிராக ரவியின் சார்பில் வக்கீல் என்.ஆனந்த் கண்ணன் சுப்ரீம் கோர்ட்டில் மேல்முறையீடு மனு தாக்கல் செய்துள்ளார். அதில், தமிழகத்தில் ஏற்பட்டுள்ள ஆட்சிமாற்றத்தால் இந்த வழக்கை போலீஸ் மேல்விசாரணை செய்வது சட்டத்துக்கு புறம்பானது. இது, சுப்ரீம் கோர்ட்டு 3 நீதிபதிகள் கொண்ட அமர்வு அளித்த தீர்ப்புக்கும் எதிரானது.

அதை கருத்தில்கொள்ளாமல் சென்னை ஐகோர்ட்டு தீர்ப்பளித்துள்ளது. எனவே, கோடநாடு கொலை, கொள்ளை வழக்கை மேல்விசாரணை செய்வதற்கு போலீசுக்கு தடை விதிக்க வேண்டும் என அந்த மனுவில் தெரிவிக்கப்பட்டுள்ளது. இந்த மேல்முறையீடு மனு விரைவில் விசாரணைக்கு வரும் என எதிர்பார்க்கப்படுகிறது.


தொடர்புடைய செய்திகள்

1. சிங்கு எல்லை நடந்த கொலை: 2 சிறப்பு விசாரணை குழுக்கள் அமைப்பு
சிங்கு எல்லையில் நடந்த கொலையில் விசாரணை நடத்துவதற்கு 2 சிறப்பு விசாரணை குழுக்கள் அமைக்கப்பட்டுள்ளது.
2. முந்திரி தொழிலாளி கொலை வழக்கு: தி.மு.க. எம்.பி. ரமேஷ் கோர்ட்டில் சரண் சிறையில் அடைக்கப்பட்டார்
முந்திரி தொழிலாளி அடித்துக்கொலை செய்யப்பட்ட வழக்கில் கடலூர் தி.மு.க. எம்.பி. ரமேஷ் நேற்று கோர்ட்டில் சரண் அடைந்தார். அவரை 2 நாள் நீதிமன்ற காவலில் வைக்க நீதிபதி உத்தரவிட்டதையடுத்து சிறையில் அடைக்கப்பட்டார்.
3. பண்ருட்டி முந்திரி தொழிலாளி கொலை: கடலூர் தி.மு.க. எம்.பி.யின் உதவியாளர் உள்பட 5 பேர் கைது
பண்ருட்டி அருகே முந்திரி தொழிற்சாலையில் தொழிலாளி கொலை செய்யப்பட்ட வழக்கு தொடர்பாக தி.மு.க. எம்.பி.யின் உதவியாளர் உள்பட 5 பேரை சி.பி.சி.ஐ.டி. போலீசார் கைது செய்தனர்.
4. பெங்களூருவில் அடுக்குமாடி குடியிருப்பில் புகுந்து தாய்-மகள் படுகொலை
பெங்களூருவில் அடுக்குமாடி குடியிருப்புக்குள் புகுந்து தாய்-மகளை கத்தியால் குத்திக் கொலை செய்த பயங்கரம் நடந்துள்ளது. தலைமறைவாகி விட்ட மா்மநபர்களை பிடிக்க 4 தனிப்படைகள் அமைக்கப்பட்டுள்ளது.
5. என்னை ஏமாத்திட்டு இன்னொருவரை எப்படி காதலிக்கலாம்...? ஓடும் பஸ்சில் இளம் பெண்ணுக்கு நடந்த கொடுமை
பெலகாவி அருகே, ஓடும் பஸ்சில் இளம்பெண் கழுத்து அறுத்து கொலை செய்யப்பட்ட கொடூரம் நடந்து உள்ளது. காதலை கைவிட்டதால் வெறிச்செயலில் ஈடுபட்ட அத்தை மகனை போலீசார் கைது செய்தனர்.