தேசிய செய்திகள்

மும்பையில் கொரோனா கட்டுப்பாடு காரணமாக 47 கட்டிடங்களுக்கு சீல் வைப்பு + "||" + Sealing of 47 buildings due to corona restriction in Mumbai

மும்பையில் கொரோனா கட்டுப்பாடு காரணமாக 47 கட்டிடங்களுக்கு சீல் வைப்பு

மும்பையில் கொரோனா கட்டுப்பாடு காரணமாக 47 கட்டிடங்களுக்கு சீல் வைப்பு
மும்பையில் சீல் வைக்கப்பட்ட கட்டிடங்களின் எண்ணிக்கை 32-ல் இருந்து 47 ஆக அதிகரித்துள்ளது.
மும்பை,

மும்பையில் கடந்த மாதம் 16-ந் தேதி 190 பேருக்கு மட்டும் கொரோனா கண்டறியப்பட்டது. இது 2020-ம் ஆண்டுக்கு பிறகு மிக குறைந்த ஒருநாள் கொரோனா பாதிப்பாகும். அதேபோல கொரோனா இரட்டிப்பாகும் நாட்களும் 2 ஆயிரமாக உயர்ந்தது. மேலும் சீல் வைக்கப்பட்ட கட்டிடங்களின் எண்ணிக்கை 20 ஆக குறைந்தது.

ஆனால் அங்கு கொரோனா பாதிப்பு சமீப நாட்களாக படிப்படியாக அதிகரித்து வருகிறது. நேற்று முன்தினம் மும்பையில் 416 பேருக்கு கொரோனா பாதிப்பு கண்டறியப்பட்டது. மேலும் 4 பேர் உயிரிழந்தனர். நேற்றும் 441 பேருக்கு கொரோனா பாதிப்பு கண்டறியப்பட்டது. மேலும் 3 பேர் தொற்று நோயின் காரணமாக உயிரிழந்தனர். 

இதன்மூலம் மும்பையில் கொரோனாவால் பாதிக்கப்பட்டவர்கள் எண்ணிக்கை 7 லட்சத்து 45 ஆயிரத்து 12 ஆக அதிகரித்துள்ளது. அதே சமயம் கொரோனாவால் உயிரிழந்தவர்கள் எண்ணிக்கை 15 ஆயிரத்து 984 ஆக உயர்ந்துள்ளது.

இந்த நிலையில் மும்பை மாநகராட்சியில் 5 பேருக்கு மேல் கொரோனா பாதிப்பு கண்டறியப்பட்டால் அந்த கட்டிடங்களுக்கு சீல் வைக்கப்பட்டு, கட்டுப்பாட்டு மண்டலங்களாக அறிவிக்கப்பட்டு வருகிறது. அதன்படி மும்பையில் சீல் வைக்கப்பட்ட கட்டிடங்களின் எண்ணிக்கை 32-ல் இருந்து 47 ஆக அதிகரித்துள்ளது.

இதுகுறித்து மாநகராட்சி அதிகாரி ஒருவர் கூறுகையில், “மும்பையில் சீல் வைக்கப்பட்ட கட்டிடங்களின் எண்ணிக்கை 47 ஆக உயர்ந்துள்ளது. இருப்பினும் மக்கள் நெரிசல் உள்ள குடிசை மற்றும் சால்களில் கடந்த மாதம் இடைப்பட்ட நாட்களில் இருந்து புதிய கட்டுப்பாட்டு மண்டலங்கள் இல்லை” என்றார்.

தொடர்புடைய செய்திகள்

1. மும்பை, தானேயில் திடீர் மின் தடை- பொதுமக்கள் கடும் அவதி
மும்பை, தானேயில் நேற்று திடீரென ஏற்பட்ட மின் தடையால் பொதுமக்கள் அவதி அடைந்தனர்.
2. மும்பையில் பதற்றம்: போலீசார் முன்னிலையில் பா.ஜ.க தலைவர் தாக்கப்பட்டதாக குற்றச்சாட்டு!
மும்பையில் நேற்றிரவு போலீஸ் நிலையத்தில் பாஜக தலைவர் கிரித் சோமையா சிவசேனா கட்சியினரால் தாக்கப்பட்டதாக கூறப்படுகிறது.
3. மும்பையில் கொரோனா பாதிப்பு சற்று அதிகரிப்பு
மும்பையில் கொரோனா பாதிப்பு சற்று அதிகரித்துள்ளது. புதிதாக 98 பேர் நோய் தொற்றுக்கு ஆளாகி உள்ளனர்.
4. மும்பையில் பாலியல் வழக்கில் சிக்கிய 9 வயது சிறுவன்
மும்பையில் 9 வயது சிறுவன் மீது பாலியல் வழக்கு பதிவு செய்யப்பட்டுள்ளது.
5. மும்பை; சரத் பவார் வீட்டை கற்களால் தாக்கிய போக்குவரத்து தொழிலாளர்கள், பத்திரிகையாளர் உட்பட 115 பேர் கைது!
தேசியவாத காங்கிரஸ் தலைவர் சரத் பவாரின் வீட்டை தாக்கியதாக செய்தியாளர் ஒருவர் புனேயில் இன்று கைது செய்யப்பட்டார்.