<
உத்தரபிரதேசம்: சுவர் இடிந்து விழுந்து 3 குழந்தைகள் பலி
உத்தரபிரதேசத்தில் சுவர் இடிந்து விழுந்த விபத்தில் விளையாடிக்கொண்டிருந்த 3 குழந்தைகள் உயிரிழந்தனர்.
லக்னோ,
உத்தரபிரதேச மாநிலம் அமேதி மாவட்டத்தில் நேற்று கனமழை பெய்தது. கனமழையால் பல்வேறு பகுதிகளில் உள்ள குடியிருப்புகள் சேதமடைந்தன.
இந்நிலையில், அமேதியின் தோடர்பூர் மஜ்ரி ஜமூர்வன் கிராமத்தை சேர்ந்த 5 குழந்தைகள் தங்கள் கிராமத்தில் உள்ள ஒரு வீடு அருகே விளையாடிக்கொண்டிருந்தனர். கனமழையால் அந்த வீடு மிகுந்த சேதமடைந்திருந்த நிலையில் திடீரென வீட்டின் சுவர் இடிந்து விளையாடிக்கொண்டிருந்த 5 குழந்தைகள் மீது விழுந்தது.
இந்த விபத்தில் குழந்தைகள் 5 பேரும் சுவர் இடிபாடுகளுக்குள் சிக்கிக்கொண்டனர். இந்த விபத்து குறித்து தகவலறிந்த அக்கம்பக்கத்தினர் சுவர் இடிபாடுகளுக்குள் சிக்கிய 5 குழந்தைகளையும் மீட்டு அருகில் உள்ள மருத்துவமனைக்கு கொண்டு சென்றனர்.
மருத்துவமனையில் குழந்தைகளை பரிசோதனை செய்த டாக்டர் 3 குழந்தைகள் ஏற்கனவே உயிரிழந்துவிட்டதாக தெரிவித்தார். உயிருக்கு ஆபத்தான நிலையில் 2 குழந்தைகள் மருத்துவமனையில் அனுமதிக்கப்பட்டு சிகிச்சை பெற்று வருகின்றனர்.
உயிரிழந்த குழந்தைகளின் பெயர்கள் முறையே திவ்யஷின் (6), வன்ஷூ (8) மற்றும் சத்யம் (10) ஆகும். இந்த சம்பவம் குறித்து வழக்குப்பதிவு செய்த போலீசார் விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
