மும்பையில் நேற்று 352 பேருக்கு கொரோனா தொற்று உறுதி

மும்பை,

மராட்டிய மாநிலத்தின் தலைநகர் மும்பையில் நேற்று புதிதாக 24 ஆயிரத்து 907 பேருக்கு கொரோனா பரிசோதனை செய்யப்பட்டது. இதில் 352 பேருக்கு தொற்று பாதிப்பு உறுதி செய்யப்பட்டுள்ளது. ஒருவர் தொற்றுக்கு பலியானார். நகரில் இதுவரை 7 லட்சத்து 38 ஆயிரத்து 876 பேர் தொற்றால் பாதிக்கப்பட்டுள்ளனர். 16 ஆயிரத்து 59 பேர் உயிரிழந்து உள்ளனர். கொரோனா பாதித்தவர்களில் 97 சதவீதம் பேர் குணமாகி உள்ளனர்.

நகரில் நோய் பரவல் இரட்டிப்பாகும் காலம் 1,177 நாட்களாக உள்ளது. தற்போது 4 ஆயிரத்து 583 பேர் தொற்றுக்கு சிகிச்சை பெற்று வருகின்றனர். இதற்கிடையே மும்பையில் இதுவரை கொரோனா பரிசோதனை செய்து கொண்டவர்களின் எண்ணிக்கை 1 கோடியை தாண்டி சாதனை படைக்கப்பட்டு உள்ளது. அதாவது 1 கோடியே 18 ஆயிரத்து 770 பேருக்கு பரிசோதனை மேற்கொள்ளப்பட்டு உள்ளது.