<
காதலியுடனான உல்லாச வீடியோவை வைத்து ரூ.10 லட்சம் கேட்டு நண்பனை மிரட்டிய நண்பன்
டெல்லியில் காதலியுடன் இருந்த வீடியோவை வெளியிடாமல் இருக்க ரூ.10 லட்சம் கேட்டு நண்பனை மிரட்டிய நபரை போலீசார் கைது செய்துள்ளனர்.
புதுடெல்லி,
டெல்லியில் வசித்து வரும் 30 வயது வாலிபர் பூங்கொத்துகள் அடங்கிய கவர் ஒன்றை நேற்று காலை பெற்றுள்ளார். அந்த கவரில் கடிதம் மற்றும் பென் டிரைவ் ஒன்றும் இருந்துள்ளது.
அந்த பென் டிரைவில், வாலிபர் அவரது காதலியுடன் தனிமையில் இருக்கும் பாலியல் காட்சிகள் அடங்கிய வீடியோ ஒன்று இருந்துள்ளது. அந்த கடிதத்தில், ரூ.10 லட்சம் கேட்டு நபர் ஒருவர் மிரட்டலும் விடுத்து உள்ளார். பணம் கொடுக்கவில்லை எனில், வீடியோ இன்று காலை வெளியிடப்படும் என தெரிவிக்கப்பட்டு இருந்துள்ளது.
இதுபற்றி வாலிபர் போலீசில் புகார் அளித்து உள்ளார். தீவிர விசாரணை நடத்தி 31 வயதுடைய சமீர் ஜோரி என்ற நபரை போலீசார் கைது செய்துள்ளனர். அவர், வாலிபரின் 7 ஆண்டுகால நண்பர் ஆவார்.
ஜோரியிடம் இருந்து வீடியோ, மேக்புக், பென்டிரைவ் மற்றும் கார் ஒன்றை போலீசார் பறிமுதல் செய்துள்ளனர். வாலிபர் தனது லேப்டாப்பை சரியாக ஆப் செய்யாமல் சென்றுள்ளார். இதனை பயன்படுத்தி ஜோரி தகவலை எடுத்துள்ளார்.
ஆடம்பர வாழ்க்கை வாழ்ந்த ஜோரிக்கு பணம் தேவைப்பட்டு உள்ளது. இதனால், அந்த வீடியோவை கொண்டு மிரட்டல் விடுத்து உள்ளார் என விசாரணையில் தெரிய வந்துள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
