டெல்லியில் மேலும் 32 பேருக்கு கொரோனா


டெல்லியில் மேலும் 32 பேருக்கு கொரோனா
x
தினத்தந்தி 27 Sep 2021 11:44 AM GMT (Updated: 27 Sep 2021 11:44 AM GMT)

டெல்லியில் கொரோனா தொற்று பாதிப்பு விகிதம் 0.06 சதவிகிதமாக உள்ளது.

புதுடெல்லி,

டெல்லியில் கடந்த 24 மணி நேரத்தில் 32 பேருக்கு கொரோனா வைரஸ் தொற்று உறுதி செய்யப்பட்டுள்ளது. தொற்று பாதிப்பால் இன்று உயிரிழப்பு எதுவும் பதிவாகவில்லை. மாநிலத்தில் தொற்று பாதிப்பு விகிதம் 0.06 ஆக உள்ளது. நடப்பு மாதத்தில்  கொரோனா தொற்றுக்கு டெல்லியில் 3 பேர் உயிரிழந்துள்ளனர். 

டெல்லியில் இதுவரை கொரோனா உறுதி செய்யப்பட்டவர்கள் எண்ணிக்கை 14 லட்சத்து 38 ஆயிரத்து 746 ஆக உயர்ந்துள்ளது. தொற்று பாதிப்பில் இருந்து 14.13 லட்சம் பேர் குணம் அடைந்துள்ளனர். தொற்று பாதிப்பால் இதுவரை உயிரிழந்தவர்கள் எண்ணிக்கை 25,085- ஆக உள்ளது.

டெல்லியில் தொற்று பாதிப்புடன் சிகிச்சை பெறுபவர்கள் எண்ணிக்கை 366- ஆக உள்ளது. டெல்லியில் உள்ள கட்டுப்படுத்தப்பட்ட பகுதிகளின் எண்ணிக்கை 93 ஆக உள்ளது. தொற்று பாதிப்பைக் கண்டறிய இன்று 50,367 மாதிரிகள் பரிசோதிக்கப்பட்டுள்ளன. 

Next Story