நடிகர் விவேக் மரணத்திற்கு கொரோனா தடுப்பூசி காரணமல்ல - மத்திய ஆய்வுக் குழு


நடிகர் விவேக் மரணத்திற்கு கொரோனா தடுப்பூசி காரணமல்ல -  மத்திய ஆய்வுக் குழு
x
தினத்தந்தி 22 Oct 2021 5:54 AM GMT (Updated: 22 Oct 2021 5:54 AM GMT)

நடிகர் விவேக் மரணத்திற்கு கொரோனா தடுப்பூசியான கோவாக்சின் காரணமில்லை என மத்திய ஆய்வு குழு தெரிவித்துள்ளது.

புதுடெல்லி,

நடிகர்  விவேக்கின் மரணம் குறித்து தடுப்பூசியால் ஏற்படும் பாதிப்புகளை பற்றி ஆய்வு செய்த மத்திய குழு அறிக்கை வெளியிட்டுள்ளது.  

அதில்,  நடிகர் விவேக் கொரோனா தடுப்பூசி செலுத்திக்கொண்ட இரு நாட்களுக்கு பிறகு 2021 ஏப்ரல் 17-ல் விவேக் இறந்தது குறித்து ஆய்வு மேற்கொள்ளப்பட்டது. நடிகர் விவேக் மரணத்துக்கு கொரோனா தடுப்பூசியான கோவாக்சின் காரணமில்லை. 

ஏப்ரல் 15-ல் கொரோனா தடுப்பூசிபோட்டுக்கொண்ட நடிகர் விவேக் மாரடைப்பால் ஏப்ரல் 17-ல் உயிரிழந்தார். உயர் ரத்த அழுத்தத்தால் ஏற்பட்ட மாரடைப்பு காரணமாகவே விவேக் உயிரிழந்தார் என  தெரிவிக்கப்பட்டுள்ளது.

Next Story