தேசிய செய்திகள்

சாப்பாடுதான் முக்கியம்....!திருமண மண்டபமே தீ பற்றி எரியும் போது பதற்றமின்றி ருசித்த விருந்தினர் + "||" + Guests savour delicacies even as fire spreads at wedding venue in Mumbai

சாப்பாடுதான் முக்கியம்....!திருமண மண்டபமே தீ பற்றி எரியும் போது பதற்றமின்றி ருசித்த விருந்தினர்

சாப்பாடுதான் முக்கியம்....!திருமண மண்டபமே தீ பற்றி எரியும் போது பதற்றமின்றி ருசித்த விருந்தினர்
கல்யாண வீட்டில் தீ பற்றி எரிந்து கொண்டிருந்த போதும் விருந்துக்கு வந்தவர்கள் சாப்பிட்டுக்கொண்டிருந்த சம்பவம் சுவாரசியத்தை ஏற்படுத்தியுள்ளது.
மும்பை,

மராட்டிய மாநிலம் மும்பையின் பீம்வாடி பகுதியில் நேற்று முன்தினம் கல்யாணம் நடைபெற்றது. இந்த கல்யாணத்திற்கு பின்னர் இரவு வரவேற்பு நிகழ்ச்சி நடைபெற்றது.

அந்த வரவேற்பு நிகழ்ச்சியில் நூற்றுக்கும் மேற்பட்டோர் பங்கேற்றனர். வரவேற்பு நிகழ்ச்சியில் உணவு பரிமாறப்பட்டு விருந்தினர்கள் சாப்பிட்டுக்கொண்டிருந்தனர். 

அப்போது, வரவேற்பு நிகழ்ச்சி நடைபெற்ற பகுதியில் பயங்கர தீ விபத்து ஏற்பட்டுள்ளது. இதனால், நிகழ்ச்சிக்கு வந்திருந்தவர்கள் அனைவரும் பதற்றமடைந்து தாங்கள் அமர்ந்திருந்த இடத்தில் இருந்து எழுந்து அங்கும் இங்கும் ஓடினர்.

ஆனால், நிகழ்ச்சிக்கு வந்திருந்த விருந்தாளிகளில் இருவர் தங்கள் இருக்கையில் இருந்து எழுந்து செல்லாமல் சர்வ சாதாரணமாக அதிலேயே அமர்ந்திருந்து வரவேற்பு நிகழ்ச்சியில் பறிமாறப்பட்ட கறி உணவை சாப்பிட்டுக்கொண்டிருந்தனர். 

நிகழ்ச்சி மேடைக்கு அருகே தீ கொளுந்து விட்டு எரிந்துகொண்டிருந்த போதும் அந்த விருந்தாளிகள் இருவரும் எந்த வித பதற்றமுமின்றி தங்கள் மேஜையில் வைக்கப்பட்டிருந்த உணவை ரசித்து ருசித்து சாப்பிட்டனர். 



தீ மளமளவென எரிந்த போதும் அந்த இருவரும் ஒருவருக்கொருவர் பேசி சிரித்துக்கொண்டு கறி உணவை சாப்பிட்டதை அருகில் இருந்த ஒருவர் வீடியோவாக எடுத்து சமூகவலைதளத்தில் பதிவிட்டுள்ளார். அந்த வீடியோ தற்போது வைரலாகி வருகிறது.    

தொடர்புடைய செய்திகள்

1. கூகுள் சிஇஓ மீது மும்பையில் வழக்குப்பதிவு
கூகுள் நிறுவனம் மீதும் அந்நிறுவனத்தின் சிஇஓ சுந்தர் பிச்சை மீதும் மும்பை போலீஸ் நிலையத்தில் வழக்குப்பதிவு செய்யப்பட்டுள்ளது.
2. மும்பையில் திடீரென அதிகரித்த காற்று மாசு - டெல்லியை விட மோசம்
மும்பையில் நேற்று காற்று மாசு திடீரென அதிகரித்து மோசமான நிலையை எட்டியது.
3. மும்பையில் 5 ஆண்டுகளில் 22 ஆயிரம் தீ விபத்துகள்: புள்ளிவிபரம்
மும்பையில் கடந்த 5 ஆண்டுகளில் 22 ஆயிரம் தீ விபத்துகள் பதிவாகியுள்ளன.
4. 18 நாட்களாக லாரி ஓட்டி உயிரிழந்த டிரைவரின் குடும்பத்திற்கு ரூ.3 லட்சம் இழப்பீடு!
மாற்று டிரைவர் இல்லாத நிலையில் 18 நாட்களாக லாரியை நிறுத்தாமல் ஓட்டி வந்த லாரி டிரைவர் இதய நோய் ஏற்பட்டு உயிரிழந்தார்.
5. மும்பை;கொரோனா தடுப்பு விதிமுறைகளை பின்பற்றி இன்று பள்ளிகள் திறப்பு
கொரோனா தடுப்பு விதிமுறைகளை பின்பற்றி மும்பையில் இன்று பள்ளிகள் திறக்கப்படுகின்றன.பெற்றோர் மாணவர்களை பள்ளிக்கு அனுப்பி வைக்குமாறு அரசு வேண்டுகோள் விடுத்துள்ளது.