<
பெரியவர்கள் வீட்டில் இருந்து பணிபுரிய அனுமதி... குழந்தைகள் பள்ளிக்கு வரவேண்டுமா? - சுப்ரீம் கோர்ட்டு கேள்வி
பெரியவர்கள் வீட்டில் இருந்து பணிபுரிய அனுமதிக்கப்பட்டுள்ளபோது குழந்தைகள் மட்டும் பள்ளிகளுக்கு வர கட்டாயப்படுத்தப்படுவதா? என டெல்லி அரசுக்கு சுப்ரீம் கோர்ட்டு சரமாரி கேள்வி எழுப்பியுள்ளனர்.
டெல்லி,
டெல்லியில் காற்றின் தரம் தொடர்ந்து மோசமடைந்து வருகிறது. காற்று மாசு தொடர்பாக சுப்ரீம் கோர்ட்டில் இன்று வழக்கு விசாரணைக்கு வந்தது. தலைமை நீதிபதி என்.வி. ரமணா தலைமையிலான அமர்வு முன் வழக்கு விசாரணைக்கு வந்த போது காற்று மாசை கட்டுப்படுத்த தவறிய மத்திய, மாநில அரசுகளுக்கு சுப்ரீம் கோர்ட்டு கடும் கண்டனம் தெரிவித்தது.
மேலும், டெல்லியில் பள்ளிகளை மீண்டும் திறந்த கெஜ்ரிவால் அரசின் முடிவுக்கு சுப்ரீம் கோர்ட்டு கடும் கண்டனம் தெரிவித்தது.
பெரியவர்கள் வீட்டில் இருந்து பணிபுரிய அனுமதிக்கப்பட்டுள்ளபோது குழந்தைகள் மட்டும் பள்ளிகளுக்கு வர வேண்டும் என கட்டாயப்படுத்தப்படுவது ஏன்? என அரவிந்த் கெஜ்ரிவால் தலைமையிலான டெல்லி அரசுக்கு சுப்ரீம் கோர்ட்டு சரமாரி கேள்வி எழுப்பியது.
கடந்த வாரங்களில் காற்றின் தரம் மேலும் மோசமடைந்ததை தவிர வேறு எதுவும் நடக்கவில்லை எனவும் சுப்ரீம் கோர்ட்டு தனது அதிருப்தியை வெளிப்படுத்தியது.
இதனை தொடர்ந்து, டெல்லியில் காற்று மாசுவை கட்டுப்படுத்துவது குறித்து உறுதியான செயல்திட்டத்தை 24 மணி நேரத்திற்குள் கொண்டு வர வேண்டும் என மத்திய, மாநில அரசுகளுக்கு கெடு விதித்த சுப்ரீம் கோர்ட்டு வழக்கை நாளைக்கு ஒத்தி வைத்தது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
