4 நாள் பயணமாக ஜனாதிபதி ராம்நாத் கோவிந்த் இன்று மராட்டியம் வருகை

மும்பை, 

ஜனாதிபதி ராம்நாத் கோவிந்த் மராட்டியத்திற்கு 4 நாட்கள் சுற்றுப்பயணம் மேற்கொள்ள உள்ளார். இது குறித்து ஜனாதிபதி மாளிகை வெளியிட்டுள்ள தகவலில் கூறப்பட்டு இருப்பதாவது:-

ஜனாதிபதி ராம்நாத் கோவிந்த் இன்று(6-ந்தேதி) முதல் 9-ந்தேதி வரை மராட்டியத்திற்கு சுற்றுப்பயணம் மேற்கொள்கிறார். இதில், இன்று ராய்காட்டில் உள்ள கோட்டையை பார்வையிட்டு, சத்ரபதி சிவாஜிக்கு மரியாதை செலுத்துகிறார். நாளை புனே லோகேகாவ் பகுதியில் உள்ள விமானப்படை தளத்தை பார்வையிடுகிறார். அங்கு அவர் விமானங்களின் சாகசத்தை பார்த்துவிட்டு, வீரர்களுடன் உரையாடுகிறார். மேலும் புதன்கிழமை மும்பையில் நடைபெறும் விழாவில் 22-வது ஏவுகணை கப்பல் படைக்கு கொடி அங்கீகாரம் வழங்குகிறார்.

இவ்வாறு அதில் கூறப்பட்டுள்ளது.