தேசிய செய்திகள்

நாகாலாந்து துப்பாக்கிச்சூடு; நடந்தது என்ன? - நாடாளுமன்றத்தில் அமித்ஷா விளக்கம் + "||" + Amit Shah given statement on Nagaland Firing in Parliament

நாகாலாந்து துப்பாக்கிச்சூடு; நடந்தது என்ன? - நாடாளுமன்றத்தில் அமித்ஷா விளக்கம்

நாகாலாந்து துப்பாக்கிச்சூடு; நடந்தது என்ன? - நாடாளுமன்றத்தில் அமித்ஷா விளக்கம்
எல்லைப்பாதுகாப்பு படையில் 21 பேர் கொண்ட கமாண்டோ குழு மறைந்து திடீர் தாக்குதல் நடத்தியது.
புதுடெல்லி,

நாகாலாந்து மாநிலத்தின் மோன் மாவட்டம் ஓடிங் பகுதியில் உள்ள நிலக்கரி சுரங்கத்தில் பணியாற்றிவிட்டு தொழிலாளர்கள் நேற்று முன்தினம் வேனில் வீடு திரும்பிக்கொண்டிருந்தனர். 

அப்போது, அங்கு பதுங்கி இருந்த ராணுவத்தின் சிறப்பு கமாண்டோ படையினர், சுரங்கத்தொழிலாளர்களை கிளர்ச்சியாளர்கள் என தவறுதலாக நினைத்து தாக்குதல் நடத்தினர். 

இந்த துப்பாக்கிச்சூடு மற்றும் இதனை தொடர்ந்து நடந்த சம்பவங்களில் பொதுமக்கள் 13 பேர் மற்றும் ஒரு ராணுவ வீரர் என மொத்தம் 14 பேர் உயிரிழந்தனர். இந்த சம்பவம் நாடு முழுவதும் பெரும் பரபரப்பை ஏற்படுத்தியுள்ளது. 

இந்நிலையில், நாகலாந்து துப்பாக்கிச்சூடு சம்பவம் தொடர்பாக உள்துறை மந்திரி அமித்ஷா இன்று நாடாளுமன்றத்தில் விளக்கம் அளித்தார். 

நாடாளுமன்றத்தில் அமித்ஷா கூறியதாவது;-

மோன் மாவட்டம் ஓடிங் பகுதியில் கிளர்ச்சியாளர்களின் நடமாட்டம் இருப்பதாக ராணுவத்திற்கு தகவல் கிடைத்தது. இதனை தொடர்ந்து 21 பேர் கொண்ட சிறப்பு கமாண்டோ குழு, கிளர்ச்சியாளர்கள் நடமாட்டம் உள்ளதாக சந்தேகிக்கப்பட்ட பகுதியில் பதுங்கி இருந்து தாக்குதல் நடத்த திட்டமிட்டிருந்தனர். 

அப்போது, அந்த பகுதியில் வாகனம் ஒன்று வந்தது. வாகனத்தை நிறுத்துமாறு சிக்னல் கொடுக்கப்பட்டது. ஆனால், அந்த வாகனம் அங்கிருந்து வேகமாக செல்ல முற்பட்டது. இதனால், அந்த வாகனத்தில் கிளர்ச்சியாளர்கள் தான் இருக்கிறார்கள் என்ற சந்தேகத்தால் கமாண்டோ படையினர் துப்பாக்கிச்சூடு நடத்தினர்.

இதில், வாகனத்தில் பயணித்த 8 பேரில் 6 பேர் உயிரிழந்தனர். இந்த துப்பாக்கிச்சூடு தாக்குதல் தவறுதலாக நடந்துவிட்டது என்பது பின்னர் தான் தெரியவந்தது. படுகாயமடைந்த 2 பேர் சிகிச்சைக்காக அருகில் உள்ள ராணுவ மருத்துவ முகாமில் அனுமதிக்கப்பட்டனர்.

இந்த துப்பாக்கிச்சூடு சம்பவம் குறித்து அறிந்த உள்ளூர் கிராம மக்கள் அங்கிருந்த ராணுவ வீரர்களை சுற்றிவளைத்து அவர்கள் மீது தாக்குதல் நடத்தினர். 2 வாகனங்களுக்கும் தீ வைத்தனர்.

கிராம மக்கள் நடத்திய தாக்குதலில் ஒரு ராணுவ வீரர் உயிரிழந்தார். மேலும், சில வீரர்கள் படுகாயமடைந்தனர். இதனால், தங்களை தற்காத்துக்கொள்ளவும், கூட்டத்தை கலைக்கவும் பாதுகாப்பு படையினர் துப்பாக்கிச்சூடு நடத்தினர். இந்த துப்பாக்கிச்சூட்டில் மேலும் 7 பொதுமக்கள் உயிரிழந்தனர். சிலர் படுகாயமடைந்தனர். உள்ளூர் நிர்வாகமும், போலீசாரும் நிலைமையை கட்டுக்குள் கொண்டுவர முயற்சி செய்து வருகின்றனர்’ என்றார்.

தொடர்புடைய செய்திகள்

1. உள்துறை அமைச்சர் அமித்ஷாவுடன் தமிழக எம்.பிக்கள் குழு சந்திப்பு
தமிழகத்திற்கு தேவையான பேரிடர் நிதியை ஜனவரி 31ஆம் தேதிக்குள் தர அமித்ஷா உறுதி அளித்துள்ளதாக டி.அர் பாலு எம்.பி தெரிவித்தார்.
2. அமித்ஷா, சோனியாவுக்கான பாதுகாப்பு பிரிவில் முதல் முறையாக பெண் கமாண்டோக்கள்...
அமித்ஷா, சோனியாவுக்கான பாதுகாப்பு பிரிவில் முதல் முறையாக பெண் கமாண்டோக்கள் விரைவில் பணியமர்த்தப்பட உள்ளனர்
3. "சில முடிவுகள் தவறாக இருக்கலாம் ஆனால் எங்கள் நோக்கம் தவறாக இருந்தது இல்லை" - அமித்ஷா பேச்சு
கடந்த ஏழு ஆண்டுகளில் மத்திய அரசு மீது ஊழல் குற்றச்சாட்டுகள் எதுவும் சுமத்தப்படவில்லை என அமித்ஷா தெரிவித்துள்ளார்.
4. எல்லை பாதுகாப்பு படையினருக்கு நவீன தொழில்நுட்பங்கள்; உள்துறை அமைச்சர் அமித்ஷா
எல்லை பாதுகாப்பு படையினருக்கு நவீன தொழில்நுட்ப வசதிகள் கிடைப்பதை அரசு உறுதி செய்யும் என மத்திய உள்துறை அமைச்சர் அமித்ஷா தெரிவித்தார்.
5. மத்திய அரசுடன் பேச்சுவார்த்தை நடத்த 5 பேர் கொண்ட குழு: விவசாய சங்கங்கள்
வேளாண் சட்டங்களை எதிர்த்து போராட்டத்தில் ஈடுபட்ட விவசாயிகள் தங்கள் மீது பதியப்பட்ட வழக்குகளை திரும்பப் பெற வலியுறுத்தி வருகின்றனர்.