ஜனாதிபதி ராம்நாத் கோவிந்த் இன்று கேரளா வருகை

திருவனந்தபுரம்,

ஜனாதிபதி ராம்நாத் கோவிந்த் இன்று (செவ்வாய்க்கிழமை) கேரளா வருகிறார். காசர்கோட்டில் பெரியா மத்திய பல்கலைக்கழகத்தில் நடைபெறும் பட்டமளிப்பு விழா உள்பட பல்வேறு நிகழ்ச்சிகளில் கலந்து கொள்கிறார். மாலை 6.55 மணிக்கு ஹெலிகாப்டர் மூலம் கொச்சி புறப்பட்டு செல்கிறார்.

நாளை (புதன்கிழமை) காலை 9.50 மணிக்கு தென் மண்டல கப்பற்படை தலைமையகத்தில் நடைபெறும் வீரர்களின் அணிவகுப்பு மற்றும் சாகச நிகழ்ச்சிகளை பார்வையிடுகிறார்.

பகல் 11.30 மணிக்கு விக்ராந்த் விமானம் தாங்கி போர் கப்பலை ஜனாதிபதி ராம்நாத் கோவிந்த் பார்வையிடுகிறார். 23-ந்தேதி கொச்சியில் இருந்து காலை 10.20 மணிக்கு ஹெலிகாப்டர் மூலம் புறப்பட்டு திருவனந்தபுரம் வருகிறார். திருவனந்தபுரத்தில் பல்வேறு நிகழ்ச்சிகளில் கலந்து கொள்ளும் அவர், 24-ந் தேதி காலை 9.50 மணிக்கு தனி விமானத்தில் டெல்லி புறப்பட்டு செல்கிறார்.