<
இந்தியாவில் 2- வது நாளாக கொரோனா பாதிப்பு குறைவு
இந்தியாவில் கடந்த 24 மணி நேரத்தில் 2 லட்சத்து 35 ஆயிரத்து 532- பேருக்கு கொரோனா வைரஸ் தொற்று உறுதி செய்யப்பட்டுள்ளது.
புதுடெல்லி,
இந்தியாவில் கொரோனா வைரசின் 3-வது அலை பாதிப்பு சற்று தணியத்தொடங்கியுள்ளது. கடந்த வாரங்களில் கிடு கிடுவென உயர்ந்த தினசரி பாதிப்பு கடந்த சில தினங்களாக இறங்கு முகம் கண்டுள்ளது.
நேற்று முன்தினம் 2 லட்சத்து 86 ஆயிரத்து 384 பேருக்கு கொரோனா பாதிப்பு ஏற்பட்டது. நேற்று இந்த எண்ணிக்கையில் ஏறத்தாழ 35 ஆயிரம் குறைந்து 2 லட்சத்து 51 ஆயிரத்து 209 பேருக்கு தொற்று பாதிப்பு உறுதியானது.
இந்த நிலையில், 2-வது நாளாக கொரோனா பாதிப்பு இன்றும் சற்று குறைந்துள்ளது. மத்திய சுகாதாரத்துறை அமைச்சகம் இன்று வெளியிட்ட தகவலின் படி, இந்தியாவில் கடந்த 24 மணி நேரத்தில் 2 லட்சத்து 35 ஆயிரத்து 532- பேருக்கு கொரோனா வைரஸ் தொற்று உறுதி செய்யப்பட்டுள்ளது.
தொற்று பாதிப்பால் ஒரே நாளில் 871- பேர் உயிரிழந்துள்ளனர். கொரோனா தொற்றில் இருந்து நேற்று மட்டும் 3 லட்சத்து 35 ஆயிரத்து 939- பேர் குணம் அடைந்துள்ளனர். கொரோனா தொற்றுடன் சிகிச்சையில் உள்ளவர்கள் எண்ணிக்கை 20 லட்சத்து 04 ஆயிரத்து 333- ஆக உள்ளது.
கொரோனா தொற்று பாதிப்பு விகிதம் 13.39-சதவிகிதமாக உள்ளது. இந்தியாவில் போடப்பட்ட தடுப்பூசிகளின் எண்ணிக்கை 164.04 கோடியாக உயர்ந்துள்ளது. இந்தியாவில் 95 சதவீதம் பேருக்கு முதல் டோஸ் தடுப்பூசியும் 74 சதவீதம் பேர் இரு தவணை தடுப்பூசிகளையும் போட்டுக்கொண்டுள்ளனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
