<
சிறுசேமிப்பு வட்டி விகிதத்தில் மாற்றம் இல்லை - மத்திய அரசு அறிவிப்பு
சிறுசேமிப்புகளுக்கான வட்டி விகிதத்தில் மாற்றம் செய்யப்படவில்லை என்று மத்திய நிதி அமைச்சகம் கூறி உள்ளது.
புதுடெல்லி,
நடப்பு 2022-23 நிதி ஆண்டில் பணவீக்கம் அதிகரித்துள்ளதன் காரணமாக, முதல் காலாண்டுக்கான (ஏப்ரல் 2022 முதல் ஜூன் 2022 வரை) சிறுசேமிப்புகளுக்கான வட்டி விகிதத்தில் மாற்றம் செய்யப்படவில்லை என்று மத்திய நிதி அமைச்சகம் கூறி உள்ளது. இதையொட்டி வெளியிட்ட அறிக்கையில் கூறி இருப்பதாவது:-
* முதல் காலாண்டில் பி.பி.எப். என்னும் பொது வருங்கால வைப்பு நிதிக்கு 7.1 சதவீத வட்டியும், என்.எஸ்.சி என்கிற தேசிய சேமிப்பு சான்றிதழ் நிதிக்கு 6.8 சதவீத வட்டியும் தொடரும்.
* ஒரு வருட பருவ வைப்பு திட்டத்துக்கு 5.5 சதவீத வட்டி தொடரும். பெண் குழந்தைகளுக்கான சுகன்யா சம்ரித்தி யோஜனா கணக்குக்கு 7.4 சதவீத வட்டி வழங்கப்படும்.
* மூத்த குடிமக்களுக்கான 5 ஆண்டு சேமிப்பு திட்டத்துக்கு 7.4 சதவீத வட்டி நீடிக்கும்.
* சேமிப்பு கணக்குகளுக்கான ஆண்டு வட்டி விகிதம் 4 சதவீதமாக நீடிக்கும்.
* 1 முதல் 5 ஆண்டுகள் வரையிலான டெபாசிட்டுகளுக்கு 5.5 சதவீதம் முதல் 6.7 சதவீதம் வட்டி காலாண்டுக்கு கிடைக்கும்.
* 5 ஆண்டு தொடர் வைப்புகளுக்கு 5.8 சதவீத வட்டி வழங்கப்படும். இவ்வாறு அதில் கூறப்பட்டுள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
