<
பிரசாந்த் கிஷோர் விரைவில் காங்கிரசில் சேர உள்ளதாக தகவல்
பிரபல தேர்தல் வியூக நிபுணர் பிரசாந்த் கிஷோர் விரைவில் காங்கிரசில் சேர உள்ளதாக தகவல் வெளியாகி உள்ளது.
புதுடெல்லி,
காங்கிரஸ் கட்சிக்கு புத்துயிரூட்ட கட்சியின் மூத்த தலைவர்களுடன் கட்சித்தலைவர் சோனியா அடுத்தடுத்து ஆலோசனை நடத்தி வருகிறார். இந்த வரிசையில் நேற்று காங்கிரஸ் ஆளும் மாநிலங்களின் முதல்-மந்திரிகளை சந்தித்தார்.
அதன்படி ராஜஸ்தான் முதல்-மந்திரி அசோக் கெலாட், சத்தீஸ்கார் முதல்-மந்திரி பூபேஷ் பாகேல் ஆகியோர் டெல்லியில் அவரை சந்தித்தனர். சோனியாவின் வீட்டில் நடந்த இந்த சந்திப்பில், பிரபல தேர்தல் வியூக நிபுணர் பிரசாந்த் கிஷோரும் கலந்து கொண்டார்.
பல மணி நேரம் நீடித்த இந்த கூட்டத்தில், எதிர்வரும் சட்டசபை மற்றும் நாடாளுமன்ற பொதுத்தேர்தல் குறித்து விரிவாக ஆலோசிக்கப்பட்டது. அத்துடன் கட்சியை பலப்படுத்த பிரசாந்த் கிஷோர் வழங்கியுள்ள திட்டங்கள் குறித்தும் விவாதிக்கப்பட்டது.
இந்தநிலையில், பிரசாந்த் கிஷோர் அடுத்த சில நாட்களில் காங்கிரசில் சேர வாய்ப்புள்ளதாக தகவல்கள் தெரிவிக்கின்றன. தேர்தல் வியூக நிபுணர் பிரசாந்த் கிஷோர் காங்கிரசில் சேர்வது தொடர்பாக நாளை ஏப்ரல் 22ஆம் தேதி பேச்சுவார்த்தை நடத்த உள்ளதாக பிரசாந்த் கிஷோருக்கு நெருக்கமான வட்டாரங்கள் தெரிவித்தன.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
