டெல்லியில் புதிதாக 1,367 பேருக்கு கொரோனா பாதிப்பு..!!

புதுடெல்லி,

டெல்லியில் மீண்டும் கொரோனா வைரஸ் தொற்று பரவல் அதிகரித்து வருகிறது. இந்த வாரத்தில் ‘ஆர் வேல்யூ’ என்று அழைக்கப்படுகிற கொரோனா பரவல் விகிதம் 2.1 ஆக அதிகரித்துள்ளது.

இந்நிலையில் டெல்லியில் கடந்த 24 மணி நேரத்தில் புதிதாக 1,367 பேருக்கு கொரோனா வைரஸ் தொற்று உறுதி செய்யப்பட்டுள்ளது. இது நேற்றைய பாதிப்பை விட 13% அதிகமாகும். இதன் மூலம் டெல்லியில் இதுவரை பதிவு செய்யப்பட்ட மொத்த கொரோனா பாதிப்புகளின் எண்ணிக்கை 18,78,458 ஆக உயர்ந்துள்ளது.

தொற்று பாதிப்பு காரணமாக ஒருவர் உயிரிழந்துள்ளார். டெல்லியில் இதுவரை கொரோனாவால் உயிரிழந்தவர்களின் எண்ணிக்கை 26,170 ஆக உள்ளது. மாநிலத்தில் தற்போது 4,832 பேர் கொரோனா பாதிப்புக்கு சிகிச்சை பெற்று வருகின்றனர். அதே சமயம் டெல்லியில் கடந்த 24 மணி நேரத்தில் 1,042 பேர் கொரோனாவில் இருந்து குணமடைந்துள்ளனர். இதன் மூலம் டெல்லியில் கொரோனா பாதிப்பில் இருந்து இதுவரை குணமடைந்தவர்களின் மொத்த எண்ணிக்கை 18,47,456 ஆக உயர்ந்துள்ளதாக மாநில சுகாதாரத்துறை தெரிவித்துள்ளது.