<
கேரளா: லாரி மோதிய விபத்தில் கல்லூரி மாணவி உயிரிழப்பு...!
கேரளாவில் லாரி மோதி விபத்தில் கல்லூரி மாணவி உயிரிழந்து உள்ளார்.
கேரளா,
கேரள மாநிலம் கோழிக்கோடு அருகே உள்ள வடகரையைச் சேர்ந்தவர் பிரகாஷ் இவருடைய மகள் அமேயா(வயது 19).
இவர் எர்ணாகுளம் மாவட்டம் அங்கமாலியில் தங்கி அங்குள்ள கல்லூரியில் படித்து வருகிறார். நேற்று இரவு காலடியில் உள்ள ஒரு கல்லூரியில் கலை நிகழ்ச்சி நடைபெற்றது. அதில் கலந்து கொண்டு இரவு 11 மணி அளவில் அமேயா அங்கமாலியில் உள்ள வீட்டிற்கு பஸ்சில் செல்வதற்காக சாலையை கடந்து வந்துள்ளார்.
அப்போது அந்த வழியாக வந்த ஒரு லாரி மாணவி மீது பயங்கரமாக மோதி விட்டு நிற்காமல் சென்று விட்டது. இந்த விபத்தில் மாணவி உடல் நசுங்கி சம்பவ இடத்திலேயே பரிதாபமாக உயிரிழந்தார். விபத்து குறித்து தகவல் அறிந்து வந்த போலீசார் மாணவி உடலை மீட்டு அரசு மருத்துவமனைக்கு பிரேத பரிசோதனைக்காக அனுப்பி வைத்தனர்.
விபத்து குறித்து போலீசார் வழக்குப்பதிவு செய்து விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
