கடந்த 9 மாதங்களில் பாகிஸ்தானில் 6 இந்திய கைதிகள் பலி

புதுடெல்லி,

கடந்த 9 மாதங்களில் பாகிஸ்தானில் 6 இந்திய கைதிகள் இறந்துள்ளனர்.மத்திய வெளியுறவுத்துறை அமைச்சக செய்தித்தொடர்பாளர் அரிந்தம் பக்சி இத்தகவலை தெரிவித்தார்.அவர் மேலும் கூறியதாவது:-

இந்த பிரச்சினை அச்சமூட்டுவதாக உள்ளது. இறந்த 6 பேரும், தண்டனையை நிறைவு செய்தவர்கள். அவர்களில் 5 பேர் மீனவர்கள் ஆவர்.இந்த விவகாரத்தை பாகிஸ்தான் அரசிடம் முறையிட்டுள்ளோம். தங்கள் மண்ணில் இந்திய கைதிகளின் பாதுகாப்பை உறுதி செய்வது பாகிஸ்தானின் பொறுப்பு.

இவ்வாறு அவர் கூறினார்.