பெண்ணிடம் ரூ.2 லட்சம் தங்கச்சங்கிலி பறிப்பு

கோலார் தங்கவயல்:

சிக்பள்ளாப்பூர் மாவட்டம் கவுரிபிதனூர் தாலுகா மஞ்சேனஹள்ளி பஞ்சாயத்துக்கு உட்பட்ட சிக்கஹனுமேனஹள்ளி கிராமத்தைச் சேர்ந்தவர் ரங்கநாத். இவரது மனைவி இந்திரம்மா. கணவனை இழந்த இவர், ஆடு-மாடுகளை வளர்த்து அதன் மூலம் கிடைக்கும் வருமானத்தை வைத்து வாழ்ந்து வருகிறார். இந்த நிலையில் நேற்று தனது வயலில் ஆடு-மாடுகளை அவர் மேய்த்துக் கொண்டிருந்தார்.

அப்போது அங்கு ஒரே மோட்டார் சைக்கிளில் வந்த 2 வாலிபர்கள், இந்திரம்மாவிடம் முகவரி கேட்பதுபோல் நடித்து அவர் கழுத்தில் அணிந்திருந்த ரூ.2 லட்சம் மதிப்பிலான தங்கச்சங்கிலியை பறித்துக் கொண்டு தப்பிச் சென்றுவிட்டனர். இதுகுறித்து இந்திரம்மா கவுரிபிதனூர் புறநகர் போலீசில் புகார் அளித்தார். அதன்பேரில் போலீசார் வழக்குப்பதிந்து மர்ம நபர்களை வலைவீசி தேடிவருகிறார்கள்.