மைசூருவில் காங்கிரஸ் கட்சியினர் போராட்டம்

மைசூரு:-

மைசூரு நகர் கிருஷ்ணராஜா தொகுதியில் உள்ள சாலைகள் மிகவும் சேதமடைந்துள்ளதாக தெரிகிறது. எங்கு பார்த்தாலும் சாலை பள்ளங்களாக காணப்படுகிறது. இதனால் வாகன ஓட்டிகள் கடும் அவதிக்குள்ளாகி வருகிறார்கள். இந்த நிலையில், கிருஷ்ணராஜா தொகுதியில் சாலை பள்ளங்களை சீரமைக்க வலியுறுத்தி நேற்று காங்கிரஸ் கட்சியினர் போராட்டம் நடத்தினர். இதில், காங்கிரஸ் முன்னாள் எம்.எல்.ஏ. சோமசேகர் கலந்துகொண்டார். அப்போது அவர் கூறுகையில், கிருஷ்ணராஜா தொகுதியில் சாலைகள் மிகவும் மோசமான நிலையில் சேதம் அடைந்துள்ளது. இதனை சரி செய்ய ராமதாஸ் எம்.எல்.ஏ. எந்த நடவடிக்கையும் எடுக்கவில்லை. தொகுதியில் எந்த வளர்ச்சி பணிகளையும் அவர் செய்யவில்லை. சாலை பள்ளங்களை உடனடியாக சீரமைக்க வேண்டும் என்றார்.

மேலும் காங்கிரஸ் கட்சியினர் சாலை பள்ளங்களில் மண்ணை கொட்டி தங்கள் எதிர்ப்பை வெளிப்படுத்தினர்.