டெல்லியில் மீண்டும் அதிகரிக்கும் கொரோனா : ஒரே நாளில் 1,797 பேருக்கு பாதிப்பு

புதுடெல்லி,

இந்தியாவின் முக்கிய நகரங்களில் கடந்த சில நாட்களாக கொரோனா பாதிப்பு படிப்படியாக அதிகரித்து வருகிறது. இதனால், மீண்டும் ஒரு சில நகரங்களில் முகக்கவசம் அணிவது கட்டாயமாக்கப்பட்டு உள்ளது.

இந்த நிலையில், தலைநகர் டெல்லியில் கொரோனா பாதிப்பு நாளுக்குநாள் அதிகரித்து வருகிறது. இன்று மட்டும் தொற்று பாதிப்பு எண்ணிக்கை 1,797 ஆக அதிகரித்து உள்ளது. அதாவது நேற்று 1,323 பேருக்கு பாதிப்பு உறுதி செய்யப்பட்ட நிலையில் இன்று அதிகரித்து உள்ளது. டெல்லியில் இதுவரை கொரோனா உறுதி செய்யப்பட்டவர்கள் எண்ணிக்கை 19 லட்சத்து 19 ஆயிரத்து 025ஆக உயர்ந்துள்ளது.

கொரோனாவால் இன்று ஒருவர் உயிரிழந்துள்ளார் .இதுவரை உயிரிழந்தவர்கள் எண்ணிக்கை 26,226 ஆக உள்ளதுதற்போது கொரோனாவுக்கு அங்கு 4 ஆயிரத்து 843 பேர் சிகிச்சை பெற்று வருகின்றனர்.கடந்த 24 மணி நேரத்தில் கொரோனாவில் இருந்து 901 பேர் குணமடைந்துள்ளனர்