ெசாத்து தகராறில் ெபண் மீது பயங்கர தாக்குதல்

பெங்களூரு கர்நாடக மாநிலம் விஜயாப்புரா மாவட்டம் தாலிகோட் தாலுகா ஜல்புரா கிராமத்தை சேர்ந்தவர் மாதேவி பிரதரா. இவருக்கும் உறவினர்களான ஆனந்த் பிரதரா, ஸ்ரீசைலா பிரதரா, நானகவுடா பிரதரா ஆகியோர் இடையே ஒரு ஏக்கர் நிலம் தொடர்பாக சொத்து பிரச்சினை இருந்து வருகிறது. இதனால் அவர்களுக்குள் அடிக்கடி தகராறு ஏற்பட்டு வந்தது. இந்த நிலையில் நேற்றும் அவர்கள் இடையே தகராறு ஏற்பட்டது. அப்போது ஆனந்த், ஸ்ரீசைலா, நானகவுடா ஆகியோர் சேர்ந்து மகாதேவியை அடித்து உதைத்தனர். மேலும் தெருவில் அவரை தரதரவென இழுத்து வந்து காலால் எட்டி உதைத்து கொடூரமாக தாக்கினர். இதனால் வலிதாங்க முடியாமல் மகாதேவி அலறி துடித்தார்.

இதுபற்றி தகவல் அறிந்து வந்த கலகேரி போலீசார் காயமடைந்த மகாதேவியை மீட்டு சிகிச்சைக்காக அரசு ஆஸ்பத்திரியில் சேர்த்தனர். மேலும் சம்பவம் தொடர்பாக போலீசார் வழக்குப்பதிவு செய்து தலைமறைவான 3 பேரையும் வலைவீசி தேடி வருகிறார்கள். இதற்கிடையே மகாதேவியை 3 பேரும் கொடூரமாக தாக்கும் வீடியோ காட்சிகள் சமூகவலைத்தளங்களில் வைரலாகி காண்போரின் நெஞ்சை பதறவைக்கிறது.