செல்லகெரே அருகே பாம்பு கடித்து விவசாயி சாவு

சிக்கமகளூரு;

சிக்கமகளூரு மாவட்டம் செல்லகெரே தாலுகா லோக்கவ்வனஹள்ளி கிராமத்தை சேர்ந்தவர் துர்கப்பா (வயது 49). விவசாயியான இவருக்கு அந்த பகுதியில் சொந்தமாக விளைநிலம் உள்ளது. இந்த நிலையில் அவர் நேற்றுமுன்தினம் தனது விளைநிலத்தில் வேைல செய்து கொண்டிருந்தார்.

அப்போது அவரது விளைநிலத்திற்குள் விஷத்தன்மை கொண்ட பாம்பு ஒன்று புகுந்துள்ளது. இதனை துர்கப்பா பார்க்காமல் தொடர்ந்து வேலை செய்து கொண்டிருந்தார். அப்போது அந்த பாம்பு அவரை கடித்துள்ளது.

இதில் அவர் சம்பவ இடத்திலேயே பரிதாபமாக உயிரிழந்தார். இதுகுறித்து அக்கம்பக்கத்தினர் செல்லகெரே போலீசாருக்கு தகவல் கொடுத்தனர். அந்த தகவலின் பேரில் போலீசார் சம்பவ இடத்திற்கு வந்து விசாரித்தனர். மேலும் இதுகுறித்து வழக்குப்பதிவு செய்து கொண்டனர்.