ரெயில் மோதி விவசாயி உயிரிழப்பு

மங்களூரு:

தட்சிண கன்னடா மாவட்டம் புத்தூர் தாலுகா பல்நாடு கிராமத்தைச் சேர்ந்தவர் விஜயகவுடா(வயது 52). விவசாயியான இவர், நேற்று முன்தினம் தனது உறவினர் ஒருவரின் இறப்புக்காக வெளியூர் சென்று விட்டு பின்னர் வீடு திரும்பினார். அப்போது மங்களூரு-சுப்ரமண்யா செல்லும் ரெயில் தண்டவாள பாதையை கடக்க முயன்றார். இந்த சந்தர்ப்பத்தில் தண்டவாளத்தில் ரெயில், விஜயகவுடா மீது மோதியது. இதில் தூக்கி வீசப்பட்டு உடல் சிதறிய விஜயகவுடா பலியானார்.

இதுகுறித்து ரெயில்வே போலீசார் வழக்குப்பதிவு செய்து விசாரணை நடத்தி வருகின்றனர்.