கார் மீது அரசு பஸ் மோதல்; கேரள வாலிபர் சாவு

உப்பள்ளி:-

ஹாவேரி மாவட்டம் ஹனகல் தாலுகா குனசிகட்டி கிராமத்தில் நேற்று கார் மீது அரசு பஸ் மோதியது. இதில் கார் அப்பளம் போன்று நொறுங்கியது. மேலும் அந்த காரில் இருந்த 6 பேருக்கு பலத்த காயம் ஏற்பட்டது. இது குறித்து ஹனகல் புறநகர் போலீசாருக்கு தகவல் கிடைத்தது. சம்பவ இடத்திற்கு விரைந்து வந்த போலீசார் காயமடைந்த 6 பேரையும் மீட்டு ஆஸ்பத்திரிக்கு அனுப்பி வைத்தனர். இதில் 4 பேர் உப்பள்ளி கிம்ஸ் ஆஸ்பத்திரியில் அனுமதிக்கப்பட்டனர். 2 பேர் வேறு அரசு ஆஸ்பத்திரியில் சேர்க்கப்பட்டனர். இந்நிலையில் கிம்ஸ் ஆஸ்பத்திரியில் சிகிச்சை பெற்று வந்தவரில் ஒருவர் சிகிச்சை பலனின்றி உயிரிழந்தார். இதுகுறித்து தகவல் அறிந்து சென்ற போலீசார் இறந்தவரின் உடலை கைப்பற்றி விசாரணை நடத்தினர். இதில் இறந்தவர் மற்றும் காயமடைந்தவர்கள் கேரளாவை சேர்ந்தவர்கள் என்று தெரியவவந்தது. ஆனால் அவர்களின் பெயர் விவரங்கள் போலீசாருக்கு உடனடியாக கிடைக்கவில்லை. இது குறித்து ஹனகல் புறநகர் போலீசார் வழக்கு பதிவு செய்து விசாரித்து வருகின்றனர்.