உடுப்பியில் வெவ்வேறு விபத்துகளில் வாலிபர் உள்பட 2 பேர் சாவு

மங்களூரு-

உடுப்பி மாவட்டம் கார்கலா தாலுகா நெல்லிகுட்டே பகுதியை சேர்ந்தவர் கார்த்திக் (வயது 23). இவர் நேற்று முன்தினம் இரவு பயலூர் பகுதியில் இருந்து கார்கலா நோக்கி மோட்டார் சைக்கிளில் சென்று கொண்டிருந்தார். அப்போது கார்கலா பகுதியில் சென்றபோது, அவரது மோட்டார் சைக்கிளும், எதிரே வந்த அரசு பஸ்சும் மோதிக் கொண்டன. இந்த விபத்தில் மோட்டார் சைக்கிளில் இருந்து தூக்கி வீசப்பட்ட கார்த்திக், தலையில் பலத்த காயம் அடைந்து சம்பவ இடத்திலேயே பரிதாபமாக உயிரிழந்தார்.

இதேபோல், உடுப்பி மாவட்டம் காபு தாலுகா கலத்தூர் பகுதியை சேர்ந்த சங்கர் (51) என்பவர், சிருவா நோக்கி மோட்டார் சைக்கிளில் சென்று கொண்டிருந்தார். அப்போது அவர் பெல்மான் பகுதியில் சென்றபோது எதிரே வந்த காரும், அவரது மோட்டார் சைக்கிளும் நேருக்கு நேர் மோதிக் கொண்டன. இந்த விபத்தில் சங்கர் சம்பவ இடத்திலேயே பரிதாபமாக உயிரிழந்தார். இந்த விபத்துகள் குறித்து கார்கலா, சிருவா போலீசார் தனித்தனியாக வழக்குப்பதிவு செய்து விசாரணை நடத்தி வருகிறார்கள்.