மூதாட்டி கொலையில் வளர்ப்பு மகள் சிக்கினார்

பெங்களூரு: பெங்களூரு புறநகர் மாவட்டம் ஆனேக்கல் தாலுகா சர்ஜாப்புரா டவுன் கோட்டை தெருவில் வசித்து வந்தவர் முனியம்மா (வயது 75). இவர் காய்கறி விற்பனை செய்து பிழைப்பு நடத்தி வந்தார். இந்த நிலையில் கடந்த 2 நாட்களுக்கு முன்பு முனியம்மாவை மர்மநபர்கள் உருட்டு கட்டையால் தாக்கி கொலை செய்து இருந்தனர். இதுகுறித்து சர்ஜாப்புரா போலீசார் வழக்குப்பதிவு செய்து விசாரித்து வந்தனர்.

இந்த நிலையில் சந்தேகத்தின்பேரில் முனியம்மாவின் வளர்ப்பு மகளான சந்திரம்மா (38) என்பவரை பிடித்து போலீசார் விசாரித்தனர். அப்போது முனியம்மாவை கொலை செய்ததை சந்திரம்மா ஒப்புக்கொண்டார். இதனால் அவரை போலீசார் கைது செய்தனர். சொத்து தகராறில் கொலை நடந்தது முதற்கட்ட விசாரணையில் தெரியவந்து உள்ளது. இருப்பினும் கொலைக்கு வேறு காரணம் உள்ளதா என்ற கோணத்திலும் போலீசார் விசாரித்து வருகின்றனர்.