மராட்டியத்தில் கொரோனா இன்று அதிகரிப்பு- உயிரிழப்பு குறைந்தது

மும்பை,

மராட்டியத்தில் கடந்த 24 மணி நேரத்தில் 2,087- பேருக்கு கொரோனா வைரஸ் தொற்று உறுதி செய்யப்பட்டுள்ளது. கொரோனா தொற்று பாதிப்பு காரணமாக 4 பேர் உயிரிழந்துள்ளனர். மாநிலத்தில் இதுவரை கொரோனா உறுதி செய்யப்பட்டவர்கள் எண்ணிக்கை 80 லட்சத்து 45 ஆயிரத்து 606- ஆக உயர்ந்துள்ளது. கொரோனா பாதிப்பால் இதுவரை உயிரிழந்தவர்கள் எண்ணிக்கை 1 லட்சத்து 48 ஆயிரத்து 101- ஆக உயர்ந்துள்ளது.

நேற்று கொரோனா பாதிப்பு 1,997- ஆக இருந்த நிலையில் இன்று பாதிப்பு உயர்ந்துள்ளது. ஆனால் உயிரிழப்பு நேற்று 6 ஆக இருந்தது.இன்று அது 4- ஆக குறைந்து உள்ளது. கொரோனா பாதிப்பில் இருந்து இன்று குணம் அடைந்தவர்கள் எண்ணிக்கை 2,259- ஆகும். இதுவரை குணம் அடைந்தவர்கள் எண்ணிக்கை 78 லட்சத்து 84 ஆயிரத்து 495- ஆக உள்ளது. கொரோனா பாதிப்புடன் சிகிச்சையில் உள்ளவர்கள் எண்ணிக்கை 13,010- ஆக உள்ளது.