சிவமொக்கா டவுனில் கஞ்சா புகைத்த 5 பேர் கைது

சிவமொக்கா;

சிவமொக்கா நகர் என்.டி.சாலை பகுதியில் ெபாது இடத்தில் வைத்து 2 பேர் கஞ்சா புகைத்து உள்ளனா். இதுகுறித்து அந்த பகுதி மக்கள் சிவமொக்கா போலீசாருக்கு தகவல் அளித்தனர். அந்த தகவலின் பேரில் போலீசார் அந்த பகுதிக்கு விரைந்து வந்தனர். பின்னர் அந்த பகுதியில் கஞ்சா புகைத்து கொண்டிருந்த 2 பேரை பிடித்து கைது செய்தனர்.

விசாரணையில் அவர்கள் அதே பகுதியை சேர்ந்த பரூக் (வயது 24) மற்றும் சந்தோஷ் (26) என்பது தெரியவந்தது. இதேபோல் சாகர் நகரில் உள்ள ஸ்ரீநகர் பகுதியில் சந்தேகத்திற்கு இடமாக சுற்றித்திரிந்த 3 பேரை சாகர் போலீசார் அழைத்து விசாரணை நடத்தினர். அதில் அவர்கள் கஞ்சா புதைத்திருந்ததாக தெரிகிறது.

இதனால் போலீசார் அவர்களை ஆஸ்பத்திரிக்கு அழைத்து சென்று பரிசோதனை செய்தனர். அதில் அவர்கள் கஞ்சா போதையில் இருப்பது தெரியவந்தது. இதுகுறித்து போலீசார் அவர்களை கைது செய்தனர். விசாரணையில் அவர்கள் ராமநகர் பகுதியை சேர்ந்த ஷோஹில், ஆகாஷ் மற்றும் பிரஜ்வல் என்பது ெதரியவந்தது.