மாவட்ட செய்திகள்

பா.ஜனதா அரசு நீண்ட நாட்கள் நீடிக்காது; சித்தராமையா சொல்கிறார் + "||" + BJP government does not last long; Says Siddaramaiah

பா.ஜனதா அரசு நீண்ட நாட்கள் நீடிக்காது; சித்தராமையா சொல்கிறார்

பா.ஜனதா அரசு நீண்ட நாட்கள் நீடிக்காது; சித்தராமையா சொல்கிறார்
கர்நாடகத்தில் பா.ஜனதா அரசு நீண்ட நாட்கள் நீடிக்காது என்று சித்தராமையா தெரிவித்துள்ளார்.
சிவமொக்கா, 

சிவமொக்கா மாவட்ட காங்கிரஸ் கட்சி சார்பில் மத்திய அரசின் தவறான பொருளாதார கொள்கைகளை எதிர்த்து மாநாடு நேற்று நடந்தது. மாநாட்டில் கலந்து கொண்டு முன்னாள் முதல்-மந்திரி சித்தராமையா பேசியதாவது:-

கர்நாடகத்தில் கூட்டணி ஆட்சியை கவிழ்க்க எம்.எல்.ஏ.க்களை பதவி விலக வைத்து பா.ஜனதா அரசு அமைத்து உள்ளது. அக்கட்சியின் தேசிய தலைவர் அமித்ஷாவின் உத்தரவுபடி தான் ஆபரேஷன் தாமரை நடந்தது என்று உப்பள்ளியில் நடந்த கட்சி நிர்வாகிகள் கூட்டத்தில் எடியூரப்பா பேசியுள்ளார். இந்த ஆடியோ வெளியாகியுள்ளது. இது பா.ஜனதா கட்சியை ஆட்டம் காண வைத்துள்ளது.

பா.ஜனதா பின் வாசல்வழியாக கர்நாடகத்தில் ஆட்சியை அமைத்துள்ளது. எடியூரப்பா, ஈசுவரப்பாவிடம் இல்லாத பணமா?. காங்கிரஸ் கட்சி தலைவர்கள் வீடுகளில் இருக்க போகிறது?. எதிர்க்கட்சி தலைவர்களை குறிவைத்து அவர்களது வீடுகளில் வருமான வரித்துறையினர் சோதனை நடத்துகிறார்கள். அதன் பிறகு சிறைக்கு அனுப்புகிறார்கள். இது ஆணவ போக்கு. கர்நாடகத்தில் பா.ஜனதா அரசு நீண்ட நாட்களுக்கு நீடிக்காது.

இவ்வாறு சித்தராமையா பேசினார்.

இந்த மாநாட்டில் கர்நாடக மாநில காங்கிரஸ் தலைவர் தினேஷ்குண்டுராவ், எஸ்.ஆர்.பட்டீல், கிம்மனே ரத்னாகர், பத்ராவதி எம்.எல்.ஏ. சங்கமேஸ்வர், மாவட்ட காங்கிரஸ் தலைவர் சுந்தரேஷ் மற்றும் ஆயிரக்கணக்கான தொண்டர்கள் கலந்து கொண்டனர்.

தொடர்புடைய செய்திகள்

1. மல்லிகார்ஜுன கார்கேவை முதல் மந்திரியாக்க கூடாது என நான் கூறினேனா? சித்தராமையா விளக்கம்
மல்லிகார்ஜுன கார்கேவை முதல் மந்திரியாக்க சித்தராமையா எதிர்ப்பு காட்டியதாக தேவேகவுடா கூறியிருந்தார்.
2. திப்பு சுல்தான் ஜெயந்தி விழா ரத்து; கர்நாடக அரசு மீது சித்தராமையா கடும் தாக்கு
திப்பு சுல்தான் ஜெயந்தி விழாவை ரத்துசெய்துள்ள கர்நாடக அரசு கயிறு இல்லாத பம்பரம் போல் ஆடிக்கொண்டிருக்கிறது என்று சித்தராமையா கடுமையாக சாடியுள்ளார்.
3. எடியூரப்பா பேசிய ஆடியோவை பா.ஜனதா தலைவர் நளின்குமார் கட்டீல் வெளியிட்டிருக்க வேண்டும் ; சித்தராமையா பேட்டி
எடியூரப்பா பேசிய ஆடியோவை பா.ஜனதா தலைவர் நளின்குமார் கட்டீல் வெளியிட்டிருக்க வேண்டும் என்று சித்தராமையா கூறினார். முன்னாள் முதல்-மந்திரி சித்தராமையா பெலகாவியில் நேற்று நிருபர்களுக்கு பேட்டி அளிக்கையில் கூறியதாவது:-
4. சித்தராமையா வாய்க்கு வந்ததை பேசுவது சரியல்ல முதல்-மந்திரி எடியூரப்பா பேட்டி
சித்தராமையா வாய்க்கு வந்ததை பேசுவது சரியல்ல என்று முதல்-மந்திரி எடியூரப்பா தெரிவித்து உள்ளார்.
5. கூட்டணி கட்சி எம்.எல்.ஏ.க்களுக்கு தலா ரூ.25 கோடி கொடுத்து பா.ஜனதாவுக்கு இழுத்தார்; எடியூரப்பா மீது சித்தராமையா குற்றச்சாட்டு
கூட்டணி கட்சி எம்.எல்.ஏ.க்களுக்கு தலா ரூ.25 கோடி கொடுத்து பா.ஜனதாவுக்கு இழுத்தார் என்று எடியூரப்பா மீது சித்தராமையா குற்றச்சாட்டு கூறியுள்ளார்.