மாவட்ட செய்திகள்

முன்னாள் ராணுவ வீரரை பா.ஜனதா எம்.பி. தாக்கியது குறித்து விசாரணை உள்துறை மந்திரி உத்தரவு + "||" + Ex-serviceman BJP MP Inquiry into the attack Order of the Minister of the Interior

முன்னாள் ராணுவ வீரரை பா.ஜனதா எம்.பி. தாக்கியது குறித்து விசாரணை உள்துறை மந்திரி உத்தரவு

முன்னாள் ராணுவ வீரரை பா.ஜனதா எம்.பி. தாக்கியது குறித்து விசாரணை உள்துறை மந்திரி உத்தரவு
முன்னாள் ராணுவ வீரரை பா.ஜனதா எம்.பி. தாக்கியது குறித்து விசாரணை நடத்த உள்துறை மந்திரி அனில் தேஷ்முக் உத்தரவிட்டுள்ளார்.
மும்பை,

ஜல்காவை சேர்ந்தவர் முன்னாள் ராணுவ வீரர் சோனு மகாஜன். இவரை கடந்த 2016-ம் ஆண்டு அப்போது எம்.எல்.ஏ.வாக இருந்த பா.ஜனதாவை சேர்ந்த உன்மேஷ் பட்டேல் அவரது ஆதரவாளர்களுடன் தாக்கியதாக கூறப்படுகிறது. இதுகுறித்து மும்பை ஐகோர்ட்டு உத்தரவுக்கு பிறகு கடந்த 2019-ம் ஆண்டு தான் வழக்குப்பதிவு செய்யப்பட்டுள்ளது.


இந்தநிலையில் இந்த சம்பவம் குறித்து விசாரணைக்கு உத்தரவிட்டுள்ளதாக உள்துறை மந்திரி அனில் தேஷ்முக் கூறியுள்ளார். இதுகுறித்து அவர் கூறுகையில், “ முன்னாள் ராணுவ வீரர் தாக்கப்பட்ட சம்பவம் குறித்து விசாரணை நடத்த வேண்டும் என பலர் கோரிக்கை விடுத்தனர். இதையடுத்து ஜல்காவ் போலீஸ் சூப்பிரண்டை சம்பவம் குறித்து உடனடியாக விசாரிக்க உத்தரவிட்டுள்ளேன் “ என்றார்.

கடந்த சில நாட்களுக்கு முன் மும்பையில் ஓய்வு பெற்ற கடற்படை அதிகாரி மதன் சர்மா முதல்-மந்திரி உத்தவ் தாக்கரேயின் கேலிசித்திரத்தை வாட்ஸ்அப்பில் பகிர்ந்தற்காக தாக்கப்பட்டார். இதுதொடர்பாக பா.ஜனதா போராட்டத்தை அடுத்து சிவசேனாவினர் 6 பேரை போலீசார் நேற்று மீண்டும் கைது செய்தனர்.

இந்த நிலையில் 4 ஆண்டுகளுக்கு முன் முன்னாள் ராணுவ வீரர் தாக்கப்பட்ட சம்பவத்தை விசாரிக்க அரசு உத்தரவிட்டுள்ளது குறிப்பிடத்தக்கது. உன்மேஷ் பட்டேல் தற்போது எம்.பி.யாக இருப்பது குறிப்பிடத்தக்கது.