மாவட்ட செய்திகள்

முழு அடைப்பு என்பது மக்களை ஏமாற்றும் வேலை: காங்கிரஸ் மீது அன்பழகன் எம்.எல்.ஏ. தாக்கு + "||" + The whole blockage is the job of deceiving people: Anbazhagan MLA attacks on Congress

முழு அடைப்பு என்பது மக்களை ஏமாற்றும் வேலை: காங்கிரஸ் மீது அன்பழகன் எம்.எல்.ஏ. தாக்கு

முழு அடைப்பு என்பது மக்களை ஏமாற்றும் வேலை: காங்கிரஸ் மீது அன்பழகன் எம்.எல்.ஏ. தாக்கு
பெட்ரோல்– டீசல் விலை நிர்ணயம் செய்ய எண்ணெய் நிறுவனங்களுக்கு அனுமதி அளித்ததே காங்கிரஸ் தான். எனவே முழு அடைப்பு போராட்டம் என்பது மக்களை ஏமாற்றும் வேலை என்று அன்பழகன் எம்.எல்.ஏ. கூறினார்.

புதுச்சேரி,

புதுவை அ.தி.மு.க. சட்டமன்ற கட்சி தலைவர் அன்பழகன் எம்.எல்.ஏ. நேற்று நிருபர்களுக்கு பேட்டியளித்தார். அவர் கூறியதாவது:–

பெட்ரோல், டீசல் விலை உயர்வினை கண்டித்து காங்கிரஸ் கட்சி முழுஅடைப்பு போராட்டத்துக்கு அழைப்பு விடுத்துள்ளது. அதற்கு தி.மு.க.வும் ஆதரவு அளித்துள்ளது. இது மக்களை ஏமாற்றும் வேலை. பெட்ரோல், டீசல் விலையை எண்ணெய் நிறுவனங்களே நிர்ணயிக்கலாம் என்று கொள்கை முடிவு எடுத்தவர்களே இவர்கள்தான்.

அப்போது இந்த முடிவினை வரவேற்ற முதல்–அமைச்சர் நாராயணசாமி இப்போது எதிர்க்கிறார். அவருக்கு உண்மையிலேயே மக்கள் நலனில் அக்கறை இருக்குமானால் புதுவையில் பெட்ரோல், டீசல் மீதான விற்பனை வரியை குறைக்கவேண்டும். இவர்களது போராட்டத்தால் பெட்ரோல், டீசல் விலை குறையப்போவதில்லை.

புதுவையில் காங்கிரஸ் ஆட்சி அமைந்து 26 மாதங்கள் ஆன நிலையில் 10 மாதம்தான் இலவச அரிசி போடப்பட்டுள்ளது. 16 மாதங்கள் ஏன் அரிசி போடவில்லை என்று கேட்டால், முறையற்ற டெண்டர், தரமற்ற அரிசி வழங்கியதுதான் காரணம் என்று கவர்னர் கிரண்பெடி கூறியுள்ளார். இனிமேல் தவறாமல் அனுமதியளிப்பேன் என்று அவர் கூறுவது மக்களை ஏமாற்றும் செயல்.

முறையற்ற டெண்டர், தரமற்ற அரிசி என்றால் அதன் மீது கவர்னர் நடவடிக்கை எடுக்கலாம். அப்படி அவர் எத்தனை அதிகாரிகள் மீது நடவடிக்கை எடுத்துள்ளார்? இதை கவர்னர் தெளிவுபடுத்த வேண்டும். மாதந்தோறும் அரிசி வழங்காவிட்டால் அதற்கான பணத்தை வழங்க வேண்டியதுதானே? அவர் சொல்லும் காரணம் சமூக நலத்துறை அமைச்சர் கந்தசாமியை மிரட்டுவதுபோல் உள்ளது.

புதுவை அரசு சுற்றுலா வளர்ச்சி என்ற பெயரில் கலாசார சீரழிவினை ஏற்படுத்தி வருகிறது. இதனால் புதுவை மாநிலம் முழுவதும் சட்டம் ஒழுங்கு சீர்கெடும் நிலை உள்ளது. அழகுநிலையங்கள், ஸ்பா, மசாஜ் சென்டர் என்ற பெயரில் மிகப்பெரிய அளவில் விபசாரம் நடக்கிறது. மசாஜ் சென்டர்களில் விபசாரம் நடப்பதால் சமூக விரோதிகள் கத்தியை காட்டி மிரட்டி பணம் பறித்து செல்கின்றனர்.

எனது தொகுதியில் உள்ள ஒரு ஓட்டலில் கலாசார நடனம் என்ற பெயரில் ஆபாச நடனம் நடக்கிறது. அங்கு இளம்பெண் ஒருவர் அடித்து துன்புறுத்தப்பட்டு உள்ளார். அவருக்கு பாலியல் தொந்தரவும் கொடுக்கப்பட்டுள்ளது.

கவர்னர், டி.ஜி.பி., சீனியர் போலீஸ் சூப்பிரண்டு, போலீஸ் சூப்பிரண்டு என அனைத்து தரப்பினரும் பெண்களாக இருந்தும் இதுபோன்று நடக்கிறது. இத்தகைய செயல்களில் ஈடுபடுபவர்களை குண்டர் சட்டத்தில் கைது செய்யவேண்டும்.

இவ்வாறு அன்பழகன் எம்.எல்.ஏ. கூறினார்.



தொடர்புடைய செய்திகள்

1. சேலம் தாலுகா அலுவலகங்களில் கிராம உதவியாளர்கள் காத்திருப்பு போராட்டம்
சேலத்தில் உள்ள தாலுகா அலுவலகங்களில் நேற்று கிராம உதவியாளர்கள் காத்திருப்பு போராட்டம் நடத்தினர்.
2. பெங்களூருவில் பரபரப்பு: போலீஸ்காரரை தாக்கிவிட்டு தப்பி ஓட முயன்ற பிரபல திருடனை போலீசார் சுட்டுப்பிடித்தனர்
போலீஸ்காரரை தாக்கிவிட்டு தப்பி ஓட முயன்ற பிரபல திருடனை போலீசார் சுட்டுப்பிடித்தனர்.
3. மின்வாரிய ஒப்பந்த ஊழியர்கள் அரசு பஸ்சை மறித்து போராட்டம்; 51 பேர் கைது
பணி நிரந்தரம் செய்யக்கோரி மின்வாரிய ஒப்பந்த ஊழியர்கள் அரசு பஸ்சை மறித்து போராட்டம் நடத்தினர். இதில் 51 பேரை போலீசார் கைது செய்தனர்.
4. ஈரோடு வெண்டிபாளையத்தில் பொதுமக்கள் போராட்டம் எதிரொலியாக டாஸ்மாக் கடை மூடல்
ஈரோடு வெண்டிபாளையத்தில் பொதுமக்கள் போராட்டம் எதிரொலியாக டாஸ்மாக் கடை மூடப்பட்டது.
5. வாணியம்பாடி அருகே தும்பேரியில் டாஸ்மாக் கடையை மூடக்கோரி பொதுமக்கள் முற்றுகை போராட்டம்
வாணியம்பாடி அருகே டாஸ்மாக் கடையை மூடக்கோரி பொதுமக்கள் முற்றுகை போராட்டத்தில் ஈடுபட்டதால் போக்குவரத்து பாதிக்கப்பட்டது.