மாவட்ட செய்திகள்

அ.தி.மு.க.வுக்கு தோல்வி பயம்: உள்ளாட்சி தேர்தலை நேர்மையான முறையில் நடத்த தி.மு.க. முழு முயற்சி - மு.க.ஸ்டாலின் பேட்டி + "||" + Conduct local elections honestly DMK Whole effort - Interview with MK Stalin

அ.தி.மு.க.வுக்கு தோல்வி பயம்: உள்ளாட்சி தேர்தலை நேர்மையான முறையில் நடத்த தி.மு.க. முழு முயற்சி - மு.க.ஸ்டாலின் பேட்டி

அ.தி.மு.க.வுக்கு தோல்வி பயம்: உள்ளாட்சி தேர்தலை நேர்மையான முறையில் நடத்த தி.மு.க. முழு முயற்சி - மு.க.ஸ்டாலின் பேட்டி
உள்ளாட்சி தேர்தலை நேர்மையான முறையில் நடத்த தி.மு.க. முழு முயற்சி மேற்கொள்ளும் என்று மு.க.ஸ்டாலின் கூறினார். புதுச்சேரியில் உள்ள தனியார் ஓட்டலில் தி.மு.க. தலைவர் மு.க.ஸ்டாலின் நிருபர்களுக்கு பேட்டி அளித்தார். அப்போது அவர் கூறியதாவது:-
புதுச்சேரி,

தமிழகத்தை ஆளும் அ.தி.மு.க. அரசு தோல்வி பயம் காரணமாக உள்ளாட்சி தேர்தலை கடந்த 3 ஆண்டுகளாக நடத்தாமல் காலம் கடத்தி வந்தனர். உச்சநீதிமன்றம் தேர்தலை நடத்த வேண்டும் என அறிவுறுத்திய காரணத்தால் வேறு வழியின்றி தேர்தலை நடத்துகிறார்கள். மேலும் யாராவது நீதிமன்றத்தை நாடி தடை உத்தரவு பெறுவார்கள் என்ற நம்பிக்கையில் அ.தி.மு.க.வுடன் மாநில தேர்தல் ஆணையம் கூட்டு சேர்ந்து திட்டமிட்டு தேர்தல் தேதியை அறிவித்துள்ளது.

உள்ளாட்சி தேர்தல் தொடர்பாக தி.மு.க. மட்டுமின்றி பல்வேறு கட்சிகளை சேர்ந்த தலைவர்கள், பொது நலஅமைப்புகள் நீதிமன்றத்தை நாடியுள்ளனர். வார்டு மறுவரையறை முறையாக செய்யப்படவில்லை. தாழ்த்தப்பட்டோர், பழங்குடியினர் மற்றும் பெண்களுக்கு ஒதுக்க வேண்டிய வார்டுகள் மறுவரையறையும் முழுமையாக நடக்கவில்லை.

ஆனால் தமிழக முதல்-அமைச்சர் எடப்பாடி பழனிசாமி மற்றும் அமைச்சர்கள், தி.மு.க. தான் தேர்தலை நிறுத்துவதற்கு திட்டமிடுவதாக பொய் பிரசாரத்தை மேற்கொண்டு வருகிறார்கள். தமிழகத்தில் புதிய மாவட்டங்கள் உதயமாகி உள்ளது. அந்த மாவட்டங்களின் வார்டுகள் முழுவரையறையை நாங்கள் கேட்கிறோம். இதுதொடர்பாக அரசிடம் இருந்தோ, மாநில தேர்தல் ஆணையத்திடம் இருந்தோ எந்த தகவலும் தெரிவிக்கவில்லை. எனவே தான் தி.மு.க. நீதிமன்றத்தை அணுகி உள்ளது. வேறு எந்த காரணத்திற்காகவும் நாங்கள் நீதிமன்றத்தை நாடவில்லை.

தமிழகத்தில் நடந்த சட்டசபை தேர்தலும், நாடாளுமன்ற தேர்தலும் ஒரே கட்டமாகத்தான் நடந்துள்ளது. அதேபோல் உள்ளாட்சி தேர்தலும் ஒரே கட்டமாகத்தான் நடைபெற்று இருக்கிறது. ஆனால் இப்போது உள்ளாட்சி தேர்தல் 2 கட்டமாக நடைபெறும் என்று தேர்தல் ஆணையம் அறிவிப்பு வெளியிட்டு இருப்பது வேடிக்கையாக உள்ளது. தேர்தல் ஆணையத்தில் இருப்பவர் தேர்தல் ஆணையர் பழனிசாமியா? அல்லது முதல்-அமைச்சர் எடப்பாடி பழனிசாமியா? என சந்தேகம் ஏற்பட்டுள்ளது.

உள்ளாட்சி தேர்தலில் ஒதுக்கீடு தொடர்பாக கூட்டணி கட்சிகளிடம் பேச்சுவார்த்தை தொடங்கி உள்ளது. இதுபற்றி கட்சிகளுடன் கலந்துபேசி ஓரிரு தினங்களில் முடிவு எடுக்கப்பட்டு அதிகாரப்பூர்வமாக அறிவிக்கப்படும்.

உள்ளாட்சி தேர்தல் தொடர்பாக தி.மு.க. சார்பில் உச்சநீதிமன்றத்தில் தொடரப்பட்டு உள்ள வழக்கு வருகிற 5-ந் தேதி விசாரணைக்கு வருகிறது. தமிழகத்தில் உள்ளாட்சி தேர்தலை நேர்மையான முறையில் நடத்த தி.மு.க. முழு முயற்சி மேற்கொண்டு வருகிறது.

இவ்வாறு அவர் கூறினார்.

முன்னதாக கடலூர் மாவட்டத்தில் ஏற்பட்டுள்ள மழை வெள்ள பாதிப்புகளை தி.மு.க. தலைவர் மு.க.ஸ்டாலின் பார்வையிட்டுவிட்டு சென்னை செல்லும் வழியில் புதுச்சேரிக்கு வந்தார். அவரை புதுவை மாநில தி.மு.க. சார்பில் மாநில அமைப்பாளர் சிவா எம்.எல்.ஏ. (தெற்கு), எஸ்.பி.சிவக்குமார் (வடக்கு), வெங்கடேசன் மற்றும் நிர்வாகிகள் வரவேற்றனர். புதுவை அமைச்சர்கள் நமச்சிவாயம், கந்தசாமி ஆகியோரும் மரியாதை நிமித்தமாக மு.க.ஸ்டாலினை சந்தித்து பேசினார்கள்.

தொடர்புடைய செய்திகள்

1. கொரோனா காலத்தில் மு.க.ஸ்டாலின் ஆக்கப்பூர்வமான அறிக்கை எதுவும் கொடுக்கவில்லை அமைச்சர் கே.டி.ராஜேந்திரபாலாஜி பேட்டி
கொரோனா காலத்தில் அதை தடுக்க தி.மு.க. தலைவர் மு.க.ஸ்டாலின் ஆக்கப்பூர்வமான அறிக்கைகள் எதுவும் கொடுக்கவில்லை என்று அமைச்சர் கே.டி.ராஜேந்திரபாலாஜி குற்றம் சாட்டினார்.
2. மேட்டூர் அணையை 12-ந்தேதியே திறந்தும் கடை மடைப்பகுதிக்கு காவிரி நீர் போய் சேராதது கவலை அளிக்கிறது மு.க.ஸ்டாலின் அறிக்கை
மேட்டூர் அணையை கடந்த 12-ந்தேதியே திறந்தும் கடை மடைப்பகுதிக்கு இன்னும் காவிரி நீர் போய் சேராதது கவலை அளிப்பதாக மு.க.ஸ்டாலின் தெரிவித்துள்ளார்.
3. இரங்கல் தெரிவித்த முதல்-அமைச்சர் உள்ளிட்ட தலைவர்களுக்கு நன்றி: அன்பழகன் வழங்கிய ஆலோசனைகளோடு லட்சிய பயணம் தொடரும் - மு.க.ஸ்டாலின் அறிக்கை
இரங்கல் தெரிவித்த முதல்-அமைச்சர் எடப்பாடி பழனிசாமி உள்ளிட்ட தலைவர்களுக்கு நன்றி தெரிவித்துள்ள மு.க.ஸ்டாலின், பேராசிரியர் அன்பழகன் வழங்கிய ஆலோசனைகளோடு லட்சிய பயணம் தொடரும் என்று தெரிவித்துள்ளார். தி.மு.க. தலைவரும், சட்டமன்ற எதிர்க்கட்சி தலைவருமான மு.க.ஸ்டாலின் வெளியிட்டுள்ள அறிக்கையில் கூறியிருப்பதாவது:-
4. 68-வது பிறந்தநாள்: மு.க.ஸ்டாலினுக்கு, ராகுல்காந்தி வாழ்த்து - நலத்திட்ட உதவிகள் வழங்கி தி.மு.க.வினர் கொண்டாடினர்
மு.க.ஸ்டாலினின் 68-வது பிறந்தநாளையொட்டி, ராகுல்காந்தி வாழ்த்து தெரிவித்து உள்ளார். நலத்திட்ட உதவிகள் வழங்கி அவரது பிறந்தநாளை தி.மு.க.வினர் கொண்டாடினர்.
5. ஆஸ்பத்திரியில் அன்பழகன்: என் பிறந்த நாளன்று யாரும் வாழ்த்து சொல்ல வரவேண்டாம் - மு.க.ஸ்டாலின் வேண்டுகோள்
ஆஸ்பத்திரியில் க.அன்பழகன் சிகிச்சை பெற்று வருகிறார். எனவே என் பிறந்த நாளன்று யாரும் வாழ்த்து சொல்ல வரவேண்டாம் என்று மு.க.ஸ்டாலின் வேண்டுகோள் விடுத்துள்ளார்.