மாவட்ட செய்திகள்

மின்துறை ஊழியர்கள் 2-வது நாளாக போராட்டம் + "||" + Electricity workers strike for 2nd day

மின்துறை ஊழியர்கள் 2-வது நாளாக போராட்டம்

மின்துறை ஊழியர்கள் 2-வது நாளாக போராட்டம்
மின்துறை ஊழியர்களின் போராட்டம் நேற்று 2-வது நாளாக தொடர்ந்தது.
புதுச்சேரி,

புதுவை மின்துறையை தனியார்மயமாக்க மத்திய அரசு முடிவு செய்துள்ளது. இதற்கான பூர்வாங்க பணிகளும் தொடங்கிவிட்டன. தனியார்மய முடிவுக்கு புதுவை அரசும் எதிர்ப்பு தெரிவித்துள்ளது.

இருந்தபோதிலும் தனியார்மய முடிவில் மத்திய அரசு உறுதியாக உள்ளது. மத்திய அரசின் இந்த நடவடிக்கைக்கு எதிர்ப்பு தெரிவித்து புதுவை மின்துறை தனியார்மய எதிர்ப்பு போராட்டக்குழு உருவாக்கப்பட்டு தொடர் போராட்டங்கள் நடைபெற்று வருகின்றன.

அரசு எச்சரிக்கை

மின்துறை ஊழியர்கள் நேற்று முன்தினம் முதல் வேலைநிறுத்த போராட்டத்தில் ஈடுபட்டுள்ளனர். இதைத்தொடர்ந்து தொழிலாளர் துறை ஆணையர் வல்லவன் முன்னிலையில் முத்தரப்பு பேச்சுவார்த்தை நடந்தது.

இந்த பேச்சுவார்த்தை தோல்வியில் முடிந்துள்ளது. மின்துறை ஊழியர்கள் போராட்டத்தை தொடர்ந்தால் பணியிடைநீக்கம் போன்ற நடவடிக்கைகள் எடுக்கப்படும் என்று மின்துறை செயலாளர் தேவே‌‌ஷ் சிங் எச்சரிக்கை விடுத்திருந்தார்.

2-வது நாளாக...

ஆனால் அவரது எச்சரிக்கையையும் பொருட்படுத்தாமல் மின்துறை ஊழியர்கள் நேற்று 2-வது நாளாக போராட்டத்தில் ஈடுபட்டனர். அவர்கள் தங்கள் பணிகளை புறக்கணித்து மின்துறை தலைமை அலுவலக வளாகத்தில் கூடி, கோரிக்கைகளை வலியுறுத்தி கோஷமிட்டனர். மின் ஊழியர்களின் போராட்டம் காரணமாக மின் விளக்குகள் பழுதானால் சரிசெய்வது, மின்கட்டணம் வசூலிப்பது உள்ளிட்ட பல்வேறு பணிகள் பாதிக்கப்பட்டுள்ளன.

தொடர்புடைய செய்திகள்

1. மாற்றுத்திறனாளிகள் போராட்டம்
தமிழ்நாடு அனைத்து வகை மாற்றுத்திறனாளிகள் மற்றும் பாதுகாப்போர் உரிமைகளுக்கான சங்கத்தின் சார்பில் காஞ்சீபுரம் தாலுகா அலுவலகத்தில் குடியேறும் போராட்டம் நடைபெற்றது.
2. பெட்ரோல், டீசல், கியாஸ் விலை உயர்வை கண்டித்து சமத்துவ மக்கள் கழகத்தினர் ஒப்பாரி போராட்டம்
பெட்ரோல், டீசல், கியாஸ் சிலிண்டர் விலை உயர்வை கண்டித்து சமத்துவ மக்கள் கழக மகளிர் அணி சார்பில் திருவொற்றியூர் தாசில்தார் அலுவலகம் முன்பு ஒப்பாரி வைக்கும் ஆர்ப்பாட்டம் நடைபெற்றது.
3. 4 அம்ச கோரிக்கைகளை வலியுறுத்தி சத்துணவு ஊழியர்கள் போராட்டம்
4 அம்ச கோரிக்கைகளை வலியுறுத்தி நேற்று சென்னை கலெக்டர் அலுவலகம் அருகில் சத்துணவு ஊழியர்கள் கருப்பு உடை அணிந்து மறியல் போராட்டம் நடத்தினர்.
4. திருவொற்றியூர் மண்டல அலுவலகத்தில் தூய்மை பணியாளர்கள் முற்றுகை போராட்டம்
சென்னை மாநகராட்சி திருவொற்றியூர், மணலி, மாதவரம், அம்பத்தூர் ஆகிய 4 மண்டலங்களில் குப்பைகள் சேகரிப்பது, மக்கும் குப்பைகளை தரம் பிரிப்பது போன்ற பணிகளை தனியார் நிறுவனத்துக்கு ஒப்பந்தம் கொடுக்கப்பட்டுள்ளது.
5. பணி நிரந்தரம் செய்யக்கோரி நர்சுகள் உண்ணாவிரத போராட்டம்
பணி நிரந்தரம் செய்யக்கோரி தற்காலிக நர்சுகள் நேற்று டி.எம்.எஸ் வளாகத்தில் உண்ணாவிரத போராட்டத்தில் ஈடுபட்டனர்.

அதிகம் வாசிக்கப்பட்டவை