மாவட்ட செய்திகள்

என்.ஆர்.காங்கிரஸ்- பா.ஜ.க. இடையேயான அமைச்சரவை விரிவாக்க உடன்பாடு சுமுகமாக முடிந்தது முன்னாள் அமைச்சர் நமச்சிவாயம் பேட்டி + "||" + N.R. Congress BJP Ministry Extension Agreement Interview with former Minister Namachchivayam

என்.ஆர்.காங்கிரஸ்- பா.ஜ.க. இடையேயான அமைச்சரவை விரிவாக்க உடன்பாடு சுமுகமாக முடிந்தது முன்னாள் அமைச்சர் நமச்சிவாயம் பேட்டி

என்.ஆர்.காங்கிரஸ்- பா.ஜ.க. இடையேயான அமைச்சரவை விரிவாக்க உடன்பாடு சுமுகமாக முடிந்தது முன்னாள் அமைச்சர் நமச்சிவாயம் பேட்டி
என்.ஆர்.காங்கிரஸ்- பா.ஜ.க. இடையே அமைச்சரவை விரிவாக்கம் தொடர்பான பேச்சுவார்த்தை சுமுகமாக முடிந்ததாக முன்னாள் அமைச்சர் நமச்சிவாயம் கூறினார்.
புதுச்சேரி, 

புதுச்சேரி சட்டமன்ற பா.ஜ.க. தலைவர் நமச்சிவாயம் நிருபர்களிடம் கூறியதாவது:-

புதுவையில் முதல்-அமைச்சர் ரங்கசாமி தலைமையில் தேசிய ஜனநாயக கூட்டணி ஆட்சி சிறப்பாக நடக்கிறது. அரசு எடுத்த தொடர் நடவடிக்கையால் கொரோனா கட்டுக்குள் வந்துள்ளது.

இதற்காக கவர்னருக்கும், முதல்-அமைச்சருக்கும் பாராட்டுகளை தெரிவித்துக் கொள்கிறேன். புதுவைக்கு தேவையான உதவிகளை செய்வதாக பிரதமர் மோடி உறுதி அளித்துள்ளார்.

கொரோனா நிவாரண நிதியாக அனைத்து ரேஷன் கார்டுகளுக்கும் தலா ரூ.3 ஆயிரம் அறிவிக்கப்பட்டது. அந்த தொகை 2 தவணையாக வழங்கப்பட உள்ளது. அதற்கான நிதியை உருவாக்குவதில் தான் சற்று தாமதம் ஏற்பட்டுள்ளது. நாங்கள் புதுவை மாநிலத்தின் வளர்ச்சிக்கு தொடர்ந்து பாடுபடுவோம். இதற்காக ஓரணியில் நிற்க தயாராக உள்ளோம்.

அமைச்சரவை விரிவாக்கம் தொடர்பாக எங்கள் கூட்டணியில் பேச்சுவார்த்தை சுமுகமான முறையில் நடந்து முடிந்துள்ளது. முதல்-அமைச்சருக்கு உடல்நலக்குறைவு ஏற்பட்டதால் தான் சற்று காலதாமதம் ஏற்பட்டது. பேச்சுவார்த்தையின் போது விட்டுக்கொடுத்து சென்று உள்ளோம். இவ்வாறு நமச்சிவாயம் கூறினார்.

இதைத்தொடர்ந்து தொடக்கத்தில் கேட்ட 3 அமைச்சர் பதவிகள் கிடைத்துள்ளதா? என்று நிருபர்கள் கேள்வி எழுப்பினர். அதற்கு கூட்டணி என்றாலே விட்டுக் கொடுத்து தான் செல்ல வேண்டும். அதன்படி தற்போது விட்டுக் கொடுத்துள்ளோம். இது தொடர்பான அறிவிப்பை முதல்-அமைச்சர் வெளியிடுவார் என்று நமச்சிவாயம் தெரிவித்தார்.

பா.ஜ.க. மாநில தலைவர் சாமிநாதன் கூறுகையில், கொரோனா 2-வது அலையை பிரதமர் மோடி சிறப்பாக கட்டுப்படுத்தி உள்ளார். இதற்காக உலக நாடுகள் அவரை பாராட்டி உள்ளன. புதுவையில் 2 மாதத்துக்குள் அனைவருக்கும் தடுப்பூசி போட நடவடிக்கை எடுக்கப்படும்.

கொரோனா காலத்தில் மக்களுக்கு தேவையான அனைத்து உதவிகளையும் பா.ஜ.க. செய்து வருகிறது. அமைச்சரவை விரிவாக்கம் தொடர்பாக முதல்-அமைச்சருக்கு பா.ஜ.க. எந்த விதத்திலும் நிர்பந்திக்கவில்லை. எந்தவித நெருக்கடியும் கொடுக்கவில்லை என்றார்.

தொடர்புடைய செய்திகள்

1. என்.ஆர்.காங்கிரஸ்- பா.ஜ.க. பேச்சுவார்த்தையில் சமரசம் புதுவை அமைச்சரவை 14-ந்தேதி பதவி ஏற்பு
புதுவை அமைச்சரவை பங்கீட்டில் என்.ஆர்.காங்கிரஸ்- பா.ஜ.க. இடையே சுமுக உடன்பாடு ஏற்பட்டுள்ள நிலையில் பதவி ஏற்பு விழா வருகிற 14-ந்தேதி நடக்கிறது.
2. கேரளாவில் ஆதிவாசிகள் தலைவி பா.ஜ.க கூட்டணியில் சேர ரூ.10 லட்சம் ; ஆடியோ வெளியாகி பரபரப்பு
கேரளாவில் ஆதிவாசிகள் தலைவி பா.ஜ.க கூட்டணியில் சேர ரூ.10 லடசம் கொடுக்கபட்டது என அதே கூட்டணி கட்சியில் உள்ள மற்றொரு கட்சி ஆடியோ ஆதாரத்துடன் குற்றம்சாட்டி உள்ளது.
3. புதுச்சேரி சட்டசபையில் பா.ஜ.க எம்.எல்.ஏ.க்கள் பலம் 12 ஆக உயர்ந்தது; என்.ஆர்.காங்கிரசுக்கு பா.ஜ.க. நெருக்கடி; புதுவை அரசியலில் தொடரும் பரபரப்பு
சட்டசபையில் எம்.எல்.ஏ.க்கள் பலத்தை உயர்த்தி என்.ஆர்.காங்கிரசுக்கு பா.ஜ.க. அடுத்தடுத்து நெருக்கடி கொடுத்து வருவது புதுவை அரசியலில் பரபரப்பை ஏற்படுத்தி உள்ளது.
4. ரஃபேல் ஒப்பந்த ஊழல் குற்றச்சாட்டு விசாரணை கோரும் காங்கிரஸ்; முற்றிலும் ஆதாரமற்றது பா.ஜ.க மறுப்பு
ரஃபேல் ஒப்பந்தத்தில் 1.1 மில்லியன் யூரோ 'கமிஷன்' கொடுக்கபட்டது என பிரெஞ்சு ஊடகங்கள் கூறியதை அடுத்து விசாரணை கோரும் காங்கிரஸ், முற்றிலும் ஆதாரமற்றது பா.ஜ.க மறுத்து உள்ளது.
5. மத்தியில் யார் ஆட்சியில் இருந்தாலும் வளர்ச்சி திட்டங்களை கொண்டு வருவேன்; தேர்தல் பிரசாரத்தில் ரங்கசாமி உறுதி
மத்தியில் யார் ஆட்சியில் இருந்தாலும் வளர்ச்சி திட்டங்களை கொண்டு வருவேன் என்று தேர்தல் பிரசாரத்தில் ரங்கசாமி பேசினார்.