<
வானவில் : குரடாஸ் ரோபோ
எந்திரன் திரைப்படம் வந்ததில் இருந்து அது போன்ற ஒரு ரோபோ உண்மையில் இருக்க முடியுமா என்று நாம் நினைத்திருப்போம். அதை நிஜமாக்கி இருக்கின்றார் ஜப்பானை சேர்ந்த விஞ்ஞானியான கோகோரோ குரடா என்பவர்.
பல அதி நவீன ரோபோக்கள் வந்துவிட்டாலும் அதை எல்லாம் தூக்கி சாப்பிடும் அளவிற்கு புதுமையான கினெக்ட் (kinect) எனப்படும் தொழில் நுட்பம் கொண்டு நான்கு டன் எடையுடன் இந்த பிரமாண்ட ரோபோ வடிவமைக்கப்பட்டுள்ளது.
13 அடி உயரமுள்ள இந்த ரோபோவின் பெயர் குரடாஸ். நான்கு சக்கரங்கள் கொண்ட இந்த ரோபோ 30 இணைப்புகளுடன் உருவாக்கப்பட்டுள்ளது. விமான ஓட்டியை போன்று இதனுள்ளே ஒரு நபர் அமர்ந்து கொண்டு இயக்கவும் முடியும். நமது விருப்பத்திற்கேற்ப இந்த ரோபோவை உபயோகித்து கொள்ளலாம்.
ஒரு தீயணைப்பு வீரனை போல அதி வேகமாக நீரை பாய்ச்சும், துப்பாக்கியை இயக்கும். பெரிய வேலைகள் மட்டுமின்றி தரையை சுத்தம் செய்ய சொன்னாலும் செய்யும் இந்த ஆல் இன் ஆல் அழகு ரோபோ.
பலவிதமான தேவைகளுக்காக கண்டுபிடிக்கப்பட்டுள்ள இந்த ரோபோ எதிர்காலத் தொழில்நுட்பத்தின் நிகழ்கால சான்று என்பதில் சந்தேகமில்லை.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
