சிறப்புக் கட்டுரைகள்

எழிலும் பொழிலும் இணைந்த பொள்ளாச்சி + "||" + Pollachi is a beauty paradise

எழிலும் பொழிலும் இணைந்த பொள்ளாச்சி

எழிலும் பொழிலும் இணைந்த பொள்ளாச்சி
நாம் பார்த்து ரசித்த பல திரைப்படங்களின் பாடல் காட்சிகளில் இடம்பெற்றிருக்கும் ஊர் பொள்ளாச்சி. கோவைக்கு தெற்கே அமைந்துள்ள இந்த ஊர் மேற்கு தொடர்ச்சி மலைக்கு அருகே உள்ளது.
இயற்கை அழகு கொட்டிக் கிடக்கும் இந்த ஊருக்கு ‘பொழில் வைச்சி’ என்பது இயற்பெயர் . இயற்கை வளமும் செழுமையும் நிறைந்த ஊர் என்பது இதற்கு பொருள். இதுவே, பின்னாட்களில் மருவி பொள்ளாச்சியானது. வருடம் முழுவதும் வெயிலின் தாக்கம் அதிகம் தெரியாத மிதமான வானிலையே இங்கு காணப்படுகிறது. இங்கு கண்டு களிக்க வேண்டிய பல இடங்கள் உண்டு.

பொள்ளாச்சியில் இருந்து இருபது கிலோ மீட்டர் தொலைவில் ஆழியார் நீர்த்தேக்கம் உள்ளது. வால்பாறையின் அடிவாரத்தில் அமைந்திருக்கும் இந்த நீர்த்தேக்கம் மேற்கு தொடர்ச்சி மலையின் ஆனைமலை தொடர் பகுதியில் இருக்கிறது. இங்கே பூங்காக்கள் அமைக்கப்பட்டு பொழுது போக்குவதற்கும், புகைப்படம் எடுப்பதற்கும் அருமையான இடமாக திகழ்கிறது. குழந்தைகள் விளையாடுவதற்கு ஒரு சிறிய தீம்பார்க் ஒன்றும் அமைக்கப்பட்டுள்ளது.

பொள்ளாச்சியில் ஆனைமலை விலங்குகள் சரணாலயம் மற்றும் பரம்பிக்குளம் புலிகள் சரணாலயம் ஆகியவை அவசியம் பார்க்கப்பட வேண்டிய இடங்களாகும். கோவையிலிருந்து சுமார் 90 கி. மீ தொலைவில் அமைந்திருக்கிறது ஆனைமலை சரணாலயம். 958 சதுர கி.மீ பரப்பளவில் அமைந்துள்ள இந்த சரணாலயம் தேக்கு மரங்களால் சூழப்பட்டுள்ளது. இது இந்திரா காந்தி தேசிய பூங்கா என்றும் அழைக்கப்படுகிறது. யானை, மான், காட்டெருமை, ஸ்லோத் என்றழைக்கப்படும் சோம்பலான விலங்கு, பறக்கும் அணில், எறும்புத்தின்னி, சிறுத்தை போன்ற பல விலங்குகளை இங்கே காணலாம். இந்த பூங்காவில் அமராவதி எனப்படும் ஒரு இயற்கை நீர்த்தேக்கம் அமைந்துள்ளது. அதில் முதலைகளை பார்க்க முடியும். பல அறிய வகை பறவை இனங்களும் இங்கே இருக்கின்றன.

இன்னொரு சரணாலயமான பரம்பிக்குளம் புலிகள் காப்பகம் தமிழ்நாட்டின் ஆனைமலை தொடருக்கும், கேரளாவின் நெல்லியம்பதி மலைத் தொடருக்கும் இடையே உள்ள பள்ளத்தாக்கில் அமைந்துள்ளது. 285 சதுர கி.மீ பரப்பளவில் அமைந்துள்ள இவ்விடத்தில் சந்தன மரம், மூங்கில், ரோஸ்வுட் எனப்படும் கருங்காலி மரம் மற்றும் தேக்கு ஆகிய மரங்கள் நிறைந்து காணப்படுகின்றன. இங்கே உலகின் தொன்மை யான மற்றும் உயரமான தேக்கு மரங்கள் இருப்பதாக சொல்லப்படுகிறது. இந்த பூங்காவில் இரண்டு பார்வையாளர் கோபுரங்கள் இருக்கின்றன. அவற்றில் நின்று கொண்டு பாதுகாப்பாக விலங்குகளை பார்த்து ரசிக்கலாம். சுட்டெரிக்கும் கோடை வெயிலை மறந்து பொள்ளாச்சியின் குளுமையான வானிலையில் சில நாட்கள் இருந்து வரலாம்.

தொடர்புடைய செய்திகள்

1. பொள்ளாச்சி அருகே பாலாற்றின் குறுக்கே பாலம் கட்டும் பணி மும்முரம்
பொள்ளாச்சி அருகே பாலாற்றின் குறுக்கே பாலம் கட்டும் பணி மும்முரமாக நடைபெற்று வருகிறது.
2. பொள்ளாச்சி சிறுமி கற்பழிப்பு வழக்கு: கைதானவர்களுக்கு ஜாமீன் வழங்க ஐகோர்ட்டு மறுப்பு
பொள்ளாச்சியில் 16 வயது சிறுமியை கற்பழித்த வழக்கில் கைதான 3 பேருக்கு ஜாமீன் வழங்க சென்னை ஐகோர்ட்டு மறுத்துள்ளது.
3. பொள்ளாச்சி பகுதியில் மீண்டும் அதிகரிக்கும் பாலியல் குற்றங்கள் பொதுமக்கள் அச்சம்
பொள்ளாச்சி பகுதியில் குழந்தைகள், பெண்களுக்கு எதிரான பாலியல் குற்றங்கள் மீண்டும் அதிகரித்து வருகிறது. இதனால் பொதுமக்கள் அச்சம் அடைந்துள்ளனர்.
4. கோவை மாவட்ட மக்களின் கனவு கானல் நீரானது பொள்ளாச்சி,கிணத்துக்கடவு ரெயில் நிலையங்களை சேலம் கோட்டத்துடன் இணைக்க வாய்ப்பில்லை ரெயில்வே மந்திரி அறிவிப்பு
பொள்ளாச்சி,கிணத்துக்கடவு ரெயில் நிலையங்களை சேலம் கோட்டத்துடன் இணைக்க வாய்ப்பில்லை என்று மத்திய ரெயில்வே மந்திரி பியூஸ் கோயல் அறிவித்துள்ளார். இதனால் கோவை மாவட்ட மக்களின் கனவு கானல் நீரானது.
5. பொள்ளாச்சி அரசு ஆஸ்பத்திரியில் குழந்தையை கடத்திய பெண் கைது
குழந்தையின் காலில் கொப்பளம் இருப்பதால் டாக்டரிடம் காண்பித்துவிட்டு வருவதாக கூறி நேற்று முன்தினம் குழந்தையை அந்த பெண் கொண்டு சென்றார்.

ஆசிரியரின் தேர்வுகள்...