சிறப்புக் கட்டுரைகள்

கொஞ்சம் கவனம்.. நிறைய மிச்சம்.. + "||" + A little attention .. A lot of leftovers ..

கொஞ்சம் கவனம்.. நிறைய மிச்சம்..

கொஞ்சம் கவனம்.. நிறைய மிச்சம்..
கையில் கிரடிட் கார்டு இருந்தால் சிலர், கடைகளில் இருக்கும் பொருட்களில் பலவற்றையும் வாங்கி வீட்டில் கொண்டு வந்து அடைத்து விடுகிறார்கள்.
கையில் கிரடிட் கார்டு இருந்தால் சிலர், கடைகளில் இருக்கும் பொருட் களில் பலவற்றையும் வாங்கி வீட்டில் கொண்டு வந்து அடைத்துவிடு கிறார்கள். அதில் பாதிக்குமேல் தேவையே இருக்காது. சும்மா இருக் கட்டுமே என்று வாங்கி வீட்டில் அடைத்துவிட்டு, கடனுக்கு ஆட்பட்டு, கையில் காசில்லாமல் திண்டாடிக் கொண்டிருப்பார்கள்.

அப்படி திண்டாடாமல் இருக்க என்ன செய்யலாம்?

நீங்கள் வாங்கும் புத்தகங்களை உங்கள் நண்பர்களுக்கும் படிக்கக் கொடுங்கள். அதுபோல் அவர்கள் வாங்கியிருப்பவற்றை நீங்கள் படியுங்கள். இதனால் நிறைய புத்தகங்களை வாங்கி, பலரும் படிக்கலாம்.

உங்கள் குழந்தைகள் உபயோகப்படுத்திய நோட்டுப்புத்தகங்களை பழைய பேப்பர் வாங்குவோரிடம் தூக்கிப்போட்டு விடாதீர்கள். அதில் எழுதாத சில பக்கங்கள் நிச்சயம் இருக்கக்கூடும். அந்த தாள்களை சேகரித்து தினசரி குறிப்புகள் எழுதுவதற்கான குறிப்பேடு தயாரியுங்கள். பால், லாண்டரி போன்ற அன்றாட செலவின கணக்குகளை எழுதி வைக்க பெரிதும் உதவியாக இருக்கும்.

கடையில் ஒருசில பொருட்களே வாங்க வேண்டியிருந்தால், அங்கு வைக்கப்பட்டிருக்கும் பெரிய பிளாஸ்டிக் கூடையை தூக்காதீர்கள். கூடையில் நிறைய இடம் இருக்கிறதே என்று தேவையில்லாத பொருட்களை வாங்கி கூடையை நிரப்பிக் கொண்டிருப்பீர்கள்.

மின்சாரத்தை சேமிப்பது குறித்து வீட்டில் உள்ளவர்களுக்கு சொல்லிக் கொடுங்கள்.தேவையில்லாமல் லைட் எரிவது கூடுதல் யூனிட்டுகளை உங்கள் கணக்கில் சேர்த்து விடும். மின் சிக்கனம் குறித்து அச்சடிக்கப்பட்டுள்ள ஸ்டிக்கரை வீட்டின் சுவிட்ச் போர்டில் ஒட்டி வையுங்கள். எவ்வளவுக்கு எவ்வளவு மின்சாரத்தை சிக்கனமாக பயன்படுத்த முடியுமோ, அவ்வளவுக்கவ்வளவு புவி வெப்பமயமாதலை தடுக்க முடியும். உங்கள் வீடும் அதிக சூடு இல்லாமல் இருக்கும்.

உங்கள் வீட்டின் ஜன்னல் மேற்குப்புறமாக இருந்தால் ஏராளமான செடிகொடிகளை வளருங்கள். இது கோடைகால வெப்பத்தை குறைக்கும். வீட்டுத்தோட்டத்தில் இருக்கும் செடிகளுக்கு மாலை நேரத்தில் தண்ணீர் ஊற்றுங்கள். பகல் நேரத்தில் ஊற்றினால் விரைவில் சூரிய ஒளியில் தண்ணீர் ஆவியாகி விடும். வீட்டுக்குள் வளர்க்கப்படும் செடி களுக்கு, சமையல் செய்யும்போது கிடைக்கும் மிச்சம் மீதி தண்ணீரை ஊற்றப் பழகிக் கொள்ளுங்கள்.

மாதம் ஒருமுறையாவது ஏர்கண்டிஷன் கருவியில் வைக்கப்பட்டிருக்கும் பில்டர், எலெக்ட்ரானிக் குக்கர், மிக்சி, பிரிஜ் போன்றவற்றை சுத்தமாக துடைத்து வையுங்கள்.