வானவில் : நோக்கியா 110 பேஸ் மாடல் செல்போன்
நோக்கியா செல்போன்களில் முதலில் பிரபலமானது அதன் ஆரம்ப விலை (பேஸ்) மாடல் போன்கள்தான்.
அதில் தற்போது 110 மாடல் செல்போனை அறிமுகம் செய்துள்ளது. இது 1.77 அங்குல கலர் டிஸ்பிளே திரையைக் கொண்டது. இதன் விலை ரூ.1,599 ஆகும். இதில் எஸ்.பி.ஆர்.டி. 6531இ பிராசஸர் உள்ளது. இதில் 4 எம்.பி. ரேம் உள்ளது. வழக்கம்போல் இதில் எப்.எம். ரேடியோ வசதியும், டார்ச் லைட்டும் உள்ளது.
இரண்டு சிம் கார்டுகளைப்போடும் வசதி கொண்டது. இதன் எடை 75 கிராம் மட்டுமே. இதில் 800 எம்.ஏ.ஹெச். திறன் கொண்ட பேட்டரி பயன்படுத்தப்பட்டுள்ளது. இது 14 மணி நேரம் தொடர்ந்து செயல்படும்.
வெறுமனே தகவல் தொடர்புக்கும் அதாவது போனில் தகவல் தெரிவிக்கவும் பொழுது போக்க வானொலி கேட்கவும், தேவையான போது டார்ச் விளக்கொளியை பயன்படுத்துவோருக்கு ஏற்றது. நீடித்து உழைக்கக் கூடியது. நீலம், கருப்பு, பிங்க் நிறங்களில் இது வெளிவந்து உள்ளது.
Related Tags :
Next Story