<
இந்தியாவின் இறக்குமதி தடைகள் : மலேசிய பாமாயில் பெரிய சரிவை சந்திக்கிறது
இந்தியாவின் இறக்குமதி தடைகள் மலேசிய பாமாயிலுக்கு உலகில் பெரிய சரிவை கொடுத்து உள்ளது.
மும்பை
மலேசிய பிரதமர் மகாதீர் முகமது அண்மையில் காஷ்மீர் விவகாரம் மற்றும் குடியுரிமை திருத்த சட்டம் ஆகியவற்றுக்கு எதிராக இந்தியாவை கடுமையாக விமர்சனம் செய்து இருந்தார்.
இதற்கு இந்திய தரப்பில் அதிருப்தி தெரிவிக்கப்பட்டிருந்த நிலையில், தற்போது மலேசியாவில் இருந்து இறக்குமதியாகும் பாமாயில் எண்ணெய் மற்றும் எலக்ட்ரானிக்ஸ் பொருட்களுக்கு மத்திய அரசு கட்டுப்பாடுகளை விதித்துள்ளது.
இறக்குமதி தடையால் மலேசியாவுக்கு பொருளாதார ரீதியாக அதிக பாதிப்பு ஏற்பட வாய்ப்புகள் உள்ளன. ஏனெனில், மலேசியாவின் மொத்த உள்நாட்டு உற்பத்தியில் பாமாயில் 2.8 சதவீதமாக உள்ளது. மொத்த ஏற்றுமதியில் 4.5 சதவீதம் பாமாயில் பங்களிப்பு உள்ளது.
மலேசியா ஒரு வருடத்தில் 19 மில்லியன் டன் பாமாயிலை உற்பத்தி செய்கிறது என்று வர்த்தக தகவல்கள் தெரிவிக்கின்றன.
மலேசியாவிலிருந்து பாமாயில் இறக்குமதியைக் கட்டுப்படுத்துவதற்கான இந்தியாவின் நடவடிக்கை, உலகின் இரண்டாவது மிகப்பெரிய சமையல் எண்ணெய் உற்பத்தியாளரான மலேசியாவுக்கு பெரும் சவாலை உருவாக்கும். ஏனெனில் கடந்த ஐந்து ஆண்டுகளாக இந்தியா மலேசியாவின் சிறந்த சந்தையாக உள்ளது.
தொழில்துறை தரவுகளின்படி, இந்தியா 2014 முதல் மலேசியாவின் சிறந்த இறக்குமதி சந்தையாக உள்ளது.
கடந்த ஆண்டு, இந்தியா மலேசியாவிலிருந்து 4.4 மில்லியன் டன் பாமாயிலை வாங்கியது, இது மலேசிய பாமாயில் ஏற்றுமதியில் 24 சதவீதம் ஆகும்.
மலேசிய பாமாயில் கவுன்சிலின் தரவுகளின்படி, மலேசியாவிடம் பாமாயில் வாங்கும் இரண்டாவது பெரிய நாடு சீனா. கடந்த ஆண்டு வெறும் 2.4 மில்லியன் டன்களை வாங்கியது, மூன்றாவது நாடு பாகிஸ்தான் 1.08 மில்லியன் டன் வாங்கியது.
இந்தியாவின் இறக்குமதி கட்டுப்பாடுகள் குறித்த கவலைகளைத் தீர்க்கும் முயற்சியில் மலேசியா, இந்திய அரசு மற்றும் வர்த்தக அதிகாரிகளுடன் பேசுகிறது என்று மலேசியாவின் பாமாயில் பொறுப்பாளர் தெரேசா கோக் வியாழக்கிழமை தெரிவித்துள்ளார்.
ஆனால் இந்தியாவை மாற்றுவதும், பிற நாடுகளை மலேசியா பாமாயில் வாங்க வைப்பதும் எளிதானது அல்ல.
உலகின் மிகப்பெரிய பாமாயில் உற்பத்தியாளரான இந்தோனேசியா, குறைந்த உற்பத்தி செலவைக் கொண்டுள்ளது. பல பாமாயில் நுகரும் நாடுகளில் சந்தையில் பெரும் பங்கைக் கொண்டுள்ளது. இது மலேசியாவை விட வரலாற்று ரீதியாக பாமாயிலை மலிவான விலையில் வழங்குகிறது.
இந்தியா கச்சா பாமாயில் கொள்முதலை மலேசியாவிலிருந்து இந்தோனேசியாவுக்கு மாற்றும் என்றும், மலேசியா உலகளவில் அதிக சுத்திகரிக்கப்பட்ட பாமாயில் விற்பனையை முடிக்கக்கூடும் என்றும் முன்னணி தொழில் ஆய்வாளர் ஜேம்ஸ் ஃப்ரை கூறி உள்ளார்.
பாமாயிலுக்கு அப்பாலும் மலேசியா மீதான தடைகளை விரிவுபடுத்த இந்தியா திட்டமிட்டுள்ளது, இது மலேசிய வருவாயை மேலும் பாதிக்கக்கூடும்.
அனைத்து மலேசிய ஏற்றுமதிகளுக்கும் இந்தியா ஏழாவது பெரிய சந்தையாகும், மலேசியா இந்தியாவின் 17-வது பெரிய ஏற்றுமதி சந்தையாகும்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
