சிறப்புக் கட்டுரைகள்

6 ஆண்டுகளில் இல்லாத அளவிற்குசில்லரை விலை பணவீக்கம் 7.59 சதவீதமாக உயர்வு + "||" + In the absence of 6 years Retail inflation rises to 7.59%

6 ஆண்டுகளில் இல்லாத அளவிற்குசில்லரை விலை பணவீக்கம் 7.59 சதவீதமாக உயர்வு

6 ஆண்டுகளில் இல்லாத அளவிற்குசில்லரை விலை பணவீக்கம் 7.59 சதவீதமாக உயர்வு
சில்லரை விலை பணவீக்கம், கடந்த ஜனவரி மாதத்தில் 6 ஆண்டுகளில் இல்லாத அளவிற்கு 7.59 சதவீதமாக அதிகரித்துள்ளது.
சில்லரை விலை பணவீக்கம், கடந்த ஜனவரி மாதத்தில் 6 ஆண்டுகளில் இல்லாத அளவிற்கு 7.59 சதவீதமாக அதிகரித்துள்ளது. 2019 டிசம்பரில் அது 7.35 சதவீதமாக இருந்தது.

சி.பி.ஐ.

2012 ஜனவரி மாதத்தில் இருந்து நுகர்வோர் விலை பணவீக்கம் (சி.பி.ஐ) எனப்படும் சில்லரை விற்பனை விலை பணவீக்க புள்ளிவிவரத்தை மத்திய அரசு வெளியிட்டு வருகிறது. இந்த பணவீக்கம் கிராமம், நகரம் மற்றும் நாடு (நகரங்களும், கிராமங்களும்) ஆகிய மூன்று பிரிவுகளின் கீழ் வெளியிடப்படுகிறது.

நடப்பு நிதி ஆண்டின் முதல் மாதத்தில் (2019 ஏப்ரல்) சில்லரை விலை பணவீக்கம் 2.99 சதவீதமாக இருந்தது. மே மாதத்தில் இப்பணவீக்கம் 3.05 சதவீதமாக இருந்தது. ஜூன் மாதத்தில் அது 3.18 சதவீதமாக அதிகரித்தது. ஜூலையில் 3.15 சதவீதமாக சற்றே குறைந்தது. ஆகஸ்டு மாதத்தில் 3.21 சதவீதமாக உயர்ந்தது. செப்டம்பரில் 3.99 சதவீதமாக அதிகரித்தது.

அக்டோபர் மாதத்தில் 4.62 சதவீதமாக மேலும் உயர்ந்தது. நவம்பரில் 5.54 சதவீதமாக அதிகரித்தது. டிசம்பர் மாதத்தில் 7.35 சதவீதமாக உயர்ந்தது. ஜனவரியில் 7.59 சதவீதமாக அதிகரித்துள்ளது. இது 6 ஆண்டுகளில் இல்லாத பின்னடைவாகும்.

பாரத ரிசர்வ் வங்கி

பாரத ரிசர்வ் வங்கி முன்பு மொத்த விலை பணவீக்கம் அடிப்படையில் தனது கொள்கை முடிவுகளை எடுத்து வந்தது. ஆனால் இப்போது சில்லரை விலை பணவீக்கத்தையே கணக்கில் எடுத்துக் கொள்கிறது. இதனால் பணவீக்கத்தை துல்லியமாக அளவிட முடியும் என நிபுணர்கள் கூறுகின்றனர்.