சீனாவுக்கு முன்னதாகவே நவம்பர்-டிசம்பர் மாதங்களில் கொரோனா இந்தியாவுக்குள் நுழைந்திருக்கலாம்...?

ஐதராபாத்:

இந்தியாவில் முதல் உறுதிப்படுத்தப்பட்ட கொரோனா பாதிப்பு ஜனவரி 30 அன்று கேரளாவில் பதிவு செய்யப்பட்டாலும்,சீனாவின் வேர்களைக் கொண்ட வைரஸ் இந்தியாவில் நவம்பர் மாதத்தில் இருந்தே இருந்திருக்கலாம்.

சீனாவின் உகான் நகரில் தோன்றிய கொரோனா வைரசின் மூதாதையர் நாட்டில் டிசம்பர் 11, 2019 இல் இருந்து புழக்கத்தில் இருப்பதாக நாட்டின் முன்னணி ஆராய்ச்சி நிறுவனங்களின் சிறந்த விஞ்ஞானிகள் மதிப்பிட்டுள்ளனர். 

சமீபத்திய கொரோனா வைரசின் பொதுவான மூதாதையரின் வயது என்ன என்று கண்டு பிடிக்கும் விஞ்ஞான நுட்பத்தைப் பயன்படுத்தி இந்தியா மருத்துவ ஆராய்ச்சி கவுன்சில் விஞ்ஞானிகள் வைரஸை மதிப்பிட்டனர் அப்போது தெலுங்கானா மற்றும் பிற மாநிலங்களில் பரவி வரும் வைரசின் திரிபு நவம்பர் 26 முதல் டிசம்பர் 25 வரை தோன்றி இருக்கலாம் என்றும் சராசரி டிசம்பர் 11 ஆகும் என்று கண்டறிந்து உள்ளனர்.

அப்போது கொரோனா வைரஸ் சோதனைகள் நாட்டில் பெரிய அளவில் மேற்கொள்ளப்படாததால், ஜனவரி 30 க்கு முன்னர் சீனாவிலிருந்து வந்த பயணிகளால் இந்த வைரஸ் இந்தியாவுக்கு அறிமுகப்படுத்தப்பட்டதா என்பது குறித்து  தெளிவாக இல்லை.

நகரத்தை அடிப்படையாகக் கொண்ட செல்லுலார் மற்றும் மூலக்கூறு உயிரியல் மையம் (சி.சி.எம்.பி) உள்ளிட்ட ஆராய்ச்சியாளர்கள், கொரோனா வைரஸ் தொற்றின்  பல்வேறு விகாரங்களின் மிகச் சமீபத்திய பொதுவான வைரசின் மூதாதையரின் வயதை மதிப்பிட்டது மட்டுமல்லாமல், ஒரு புதிய திரிபு அல்லது கிளேட்டையும் கண்டுபிடித்தனர். அதற்கு அவர்கள் இந்த கிளாட் ஐ / ஏ3ஐ என்று பெயரிட்டுள்ளனர்.

ஒரு "கிளாட்" என்பது "வைரசின் ஒரு பொதுவான மூதாதையரின் அனைத்து பரிணாம சந்ததியினரையும் உள்ளடக்கியதாக நம்பப்படும் உயிரினங்களின் குழு" என்று வரையறுக்கப்படுகிறது.

கேரளாவில் இந்தியாவின் முதல் கொரோனா பாதிப்பில்  காணப்படும் வைரஸ் திரிபு உகான் மூதாதையருக்கு சொந்தமானது, அதே நேரத்தில் ஐதராபாத்தில் இருந்து கண்டுபிடிக்கப்பட்டவை (கிளாட் ஐ / ஏ3ஐ) சீனாவில் அல்ல, தென்கிழக்கு ஆசியாவில் எங்காவது தோன்றியதால் தனித்துவமானது. இந்த புதிய கிளேட்டின் சரியான நாடு என்னவென்று தெரியவில்லை என்று சிசிஎம்பி இயக்குனர் டாக்டர் ராகேஷ் கே மிஸ்ரா தெரிவித்தார்.

புதிய தகவல் படி  (கிளாட் ஐ / எ3ஐ) மிகச் சமீபத்திய பொதுவான மூதாதையரைப் பொருத்தவரை, இது ஜனவரி 17 முதல் பிப்ரவரி 25 வரை புழக்கத்தில் இருந்தது, சராசரி பிப்ரவரி 8 ஆகும். 

 இந்தியாவில் ஆதிக்கம் செலுத்தும் கிளேடான ஏ2எ, ஜனவரி 2 ஆம் தேதி காலத்தை கொண்டிருந்தது, அதன் வெளிப்பாடு காலம் டிசம்பர் 13, 2019 மற்றும் ஜனவரி 22, 2020 க்கு இடையில் உள்ளது.

டெல்லியின் ஜீனோமிக்ஸ் மற்றும் ஒருங்கிணைந்த உயிரியல் நிறுவனம் (சி.எஸ்.ஐ.ஆர்-ஐ.ஜி.ஐ.பி) மற்றும் காஜியாபாத்தின் அகாடமி ஆஃப் சயின்டிஃபிக் அண்ட் புதுமையான ஆராய்ச்சி ஆய்வாளர்கள் அடங்கிய குழு, இந்தியாவில் காணப்படும் புதிய கிளேட் உலகில் வேறு எங்கும் காணப்படவில்லை என்று குறிப்பிட்டது. இது முன்னர் கண்டுபிடிக்கப்பட்ட மற்ற 10 அறியப்பட்ட கிளாட்களிலிருந்து வேறுபட்டது.

புதிய கிளாட் இந்தியாவில் ஒரு புள்ளியில் இருந்து அறிமுகப்படுத்தப்பட்டது. இது ஒரு வெடிப்பின் மூலம் நாடு முழுவதும் பல பகுதிகளில் பரவியது. ஆய்வின் ஒரு பகுதியாக, குழு 64 மரபணுக்களுக்கு முழு-மரபணு வரிசைமுறைகளை நிகழ்த்தியது, இந்தியாவில் இருந்து மொத்தம் 361 மரபணுக்களை உருவாக்கியது. வைரஸ் மரபணுக்களின் வெவ்வேறு கொத்துகளுக்கான டேட்டிங் செய்தார்கள்.

இதுகுறித்து டாக்டர் மிஸ்ரா கூறுகையில், கிளாட் ஐ/ ஏ3ஐ இந்தியாவில் பல மாநிலங்களில் இருந்து வரிசைப்படுத்தப்பட்ட மற்றும் பொது களத்தில் டெபாசிட் செய்யப்பட்ட அனைத்து மரபணுக்களில் 41 சதவீதத்தை உள்ளடக்கியது. உலகளவில், 3.5 சதவீத  மரபணுக்கள், இன்றுவரை எந்தவொரு அறியப்பட்ட கிளாஸ்டருக்கும் வரைபடமாக்கப்படவில்லை.

இந்த புதிய கிளாடில் தமிழ்நாடு, தெலுங்கானா, மராட்டியம் மற்றும் டெல்லி ஆகியவை அதிக விகிதத்தில் உள்ளன, பீகார், கர்நாடகா, உ.பி., மேற்கு வங்கம், குஜராத் மற்றும் மத்திய பிரதேசம் ஆகிய மாநிலங்களிலும் உள்ளன. அரியானா, ஜம்மு & காஷ்மீர், மத்தியப் பிரதேசம், ஒடிசா மற்றும் ராஜஸ்தான் ஆகியவை இதனின் தலா ஒரு மரபணுவைக் கொண்டுள்ளன என கூறினார்.