தேசிய செய்திகள்

புதுச்சேரி: காங்கிரஸ் அரசு பெரும்பான்மையை இழந்தது ; எதிர்க்கட்சிகளுக்கு மக்கள் தண்டனை கொடுப்பார்கள் நாராயாணசாமி ஆவேசம் - வீடியோ + "||" + Puducherry:The Congress government lost the majority; People will punish the opposition Narayanasamy is obsessed Video

புதுச்சேரி: காங்கிரஸ் அரசு பெரும்பான்மையை இழந்தது ; எதிர்க்கட்சிகளுக்கு மக்கள் தண்டனை கொடுப்பார்கள் நாராயாணசாமி ஆவேசம் - வீடியோ

புதுச்சேரி: காங்கிரஸ் அரசு பெரும்பான்மையை இழந்தது ; எதிர்க்கட்சிகளுக்கு மக்கள் தண்டனை கொடுப்பார்கள் நாராயாணசாமி  ஆவேசம் - வீடியோ
புதுச்சேரி: முதல்வர் நாராயணசாமி காங்கிரஸ் அரசு பெரும்பான்மையை இழந்தது ; எதிர்க்கட்சிகளுக்கு மக்கள் தண்டனை கொடுப்பார்கள் என நாராயாணசாமி கூறினார்.
புதுச்சேரி

நாராயணசாமிக்கு எதிராக போர்க்கொடி உயர்த்திய பாகூர் தொகுதி காங்கிரஸ் எம்.எல்.ஏ. தனவேல் 6 மாதங்களுக்கு முன்பு தகுதி நீக்கம் செய்யப்பட்டார். இதையடுத்து அமைச்சர்கள் நமச்சிவாயம், மல்லாடி கிருஷ்ணராவ், எம்.எல்.ஏ.க்கள் தீப்பாய்ந்தான், ஜான் குமார் ஆகியோர் சமீபத்தில் பதவியை ராஜினாமா செய்தனர்.

இதனால் 30 பேர் கொண்ட புதுச்சேரி சட்டசபையில் நாராயணசாமி தலைமையிலான அரசு பெரும்பான்மையை இழந்ததாக பரபரப்பு ஏற்பட்டது. இதைத்தொடர்ந்து நாராயணசாமி பெரும்பான்மையை சட்டசபையில் 22-ந்தேதி (இன்று) நிரூபிக்க வேண்டும் என்று புதிதாக கவர்னர் பொறுப்பை ஏற்ற டாக்டர் தமிழிசை சவுந்தரராஜன் உத்தரவிட்டார்.

இந்த நிலையில் நேற்று மாலை காங்கிரஸ் எம்.எல்.ஏ. லட்சுமிநாராயணன், தி.மு.க. எம்.எல்.ஏ. வெங்கடேசன் ஆகிய இருவரும் தங்களது பதவியை ராஜினாமா செய்தனர்.

இதனால் சட்டசபையில் நாராயணசாமி அரசின் பலம் 12ஆக குறைந்தது. இதுதொடர்பாக நேற்று மாலையும், இன்று காலை 8 மணிக்கும் நாராயணசாமி தீவிர ஆலோசனை நடத்தினார். இந்த கூட்டங்களில் முக்கிய முடிவுகள் எடுக்கப்பட்டது.

இத்தகைய பரபரப்பான சூழ்நிலையில் புதுச்சேரி சட்டசபை இன்று காலை 10 மணிக்கு கூடியது. முதல்-மந்திரி நாராயணசாமி நம்பிக்கை கோரும் தீர்மானத்தை சட்டசபையில் தாக்கல் செய்தார். அப்போது, பேரவையில் நம்பிக்கை வாக்கு கோரும் தீர்மானத்தை முதல்வர் நாராயணசாமி முன்மொழிந்து பேசினார். அப்போது அவர் கூறியதாவது:-

புதுவையில் காங்கிரஸ்- தி.மு.க. கூட்டணி ஆட்சி சோனியா காந்தி, கருணாநிதியின் ஆசியாலும், ராகுல் காந்தி, மு.க.ஸ்டாலின் பேராதரவாலும் நடந்து வருகிறது.

இந்த ஆட்சி 5 ஆண்டுகள் நிறைவு செய்துள்ளது...முடிய இன்னும் சில நாட்களே உள்ளது. நான் முதல்-அமைச்சராக தேர்ந்தெடுக்கப்பட்டு அமைச்சர்கள், சட்டமன்ற உறுப்பினர்கள் தங்கள் பணியை செய்து வருகிறார்கள்..

நெல்லித்தோப்பு சட்டமன்ற தொகுதி இடைத்தேர்தலில் 70 சதவீத வாக்குகள் மக்கள் எனக்கு அளித்தனர்.

அதேபோல் பாராளுமன்ற தேர்தலில் காங்கிரஸ், தி.மு.க., இந்திய கம்யூனிஸ்டு, மார்க்சிஸ்டு கம்யூனிஸ்டு, விடுதலை சிறுத்தைகள், ம.தி.மு.க., இந்திய யூனியன் முஸ்லிம் லீக், மனிதநேய மக்கள் கட்சி போன்ற கட்சிகள் எங்களுக்கு ஆதரவு அளித்து எங்களது காங்கிரஸ் வேட்பாளர் வைத்தியலிங்கம் 7 லட்சம் வாக்குகள் வித்தியாசத்தில் வெற்றிபெற்றார்.

மாநில பட்ஜெட்டில் அறிவித்ததில் 95 சதவீதத்தை நிறைவேற்றியுள்ளோம். ஆட்சியைக் கவிழ்க்க முயற்சி நடைபெற்றுவருகிறது. தேர்தல் வாக்குறுதியை காப்பாற்றிய பெருமை எங்கள் அரசுக்கு உண்டு. மக்கள் எங்கள் மீது நம்பிக்கை வைத்துள்ளனர். எவ்வளவு இக்கட்டு வந்தாலும் புதுச்சேரி மக்களுக்காக தொடர்ந்து போரோடினோம்.

மக்களால் புறக்கணிப்பட்டவர்கள் ஒன்றிணைந்து ஆட்சியைக் கவிழ்க்க முயற்சிக்கிறார்கள். மாநிலத்தை வருமானத்தை குறைக்க வேண்டும் என்று சதித்திட்டம் தீட்டினார்கள். புதுச்சேரி மாநிலத்துக்கு தரவேண்டிய நிதியை மத்திய அரசு தரவில்லை. நான்கு ஆண்டுகளாக எங்களை எதிர்கொள்ள முடியாத எதிர் கட்சிகள் தற்போது அஸ்திரத்தை எடுக்கின்றனர்.

நான் எங்களுடைய ஆட்சியில் 4 ஆண்டுகால சாதனைகளை, செயல்பாடுகளை பத்திரிகைகளில் விளம்பரமாக கொடுத்தேன். இருந்தாலும் கூட புதுச்சேரி மாநில மக்களுக்கு அதை நிறைவேற்றும் விதமாக சிலவற்றை பதிவு செய்ய விரும்புகிறேன்.

கடந்த ஆட்சி காலத்தில் விட்டுவிட்டு சென்ற திட்டங்கள், நிறைவேற்றாமல் சென்ற திட்டங்கள், அடிக்கல் நாட்டாமல் சென்ற திட்டங்கள் எல்லாவற்றையும் நாங்கள் நிறைவேற்றி இருக்கிறோம் என கூறினார

தொடர்ந்து முதல்வர் நாராயணசாமி கொண்டு வந்த நம்பிக்கை வாக்கெடுப்பு கோரும் தீர்மானம் மீது வாக்களிக்காமல் ஆளுங்கட்சி எம்எல்ஏக்கள் வெளியேறினர். இதனால், முதல்வர் கொண்டு வந்த நம்பிக்கை வாக்கெடுப்புக் கோரும் தீர்மானம் தோல்வியடைந்ததாக அவைத் தலைவர் சிவக்கொழுந்து அறிவித்தார்.

நம்பிக்கை வாக்கெடுப்பு தோல்வியடைந்ததை அடுத்து, முதல்வர் நாராயணசாமி உள்ளிட்ட அமைச்சர்கள் அனைவரும் அவையிலிருந்து வெளிநடப்பு செய்தனர். அப்போது அவையில் எதிர்க்கட்சி உறுப்பினர்கள் 14 பேர் மட்டுமே அமர்ந்திருந்தனர். இதையடுத்து, நாராயணசாமி அரசு பெரும்பான்மையை இழந்துவிட்டதாக அவைத் தலைவர் சிவக்கொழுந்து அறிவித்தார்.

புதுச்சேரியில் அரசு பெரும்பான்மையை இழந்த நிலையில் கவர்னர் மாளிகைக்கு நாராயணசாமி சென்றார். அங்கு கவர்னர்  தமிழிசை சவுந்தரராஜனை சந்தித்து ராஜினாமா கடிதத்தை வழங்கினார்.

பின்னர் அவர் நிருபர்களிடம் கூறியதாவது:-

 சட்டப்பேரவையில் நம்பிக்கை வாக்கெடுப்புக் கோரும் தீர்மானம் தோல்வியடைந்ததை அடுத்து, கவர்னர்  தமிழிசையை சந்தித்து ராஜினாமா கடிதத்தைக் கொடுத்துள்ளோம். இனி முடிவு செய்ய வேண்டியது கவர்னர் தான்.மக்களால் தேர்வு செய்யப்பட்ட எம்எல்ஏக்களை ராஜினாமா செய்ய வைத்து, நியமன உறுப்பினர்கள் 3 பேரை நியமித்து புதுச்சேரியில் ஆட்சி கவிழ்ப்பு செய்த மத்தியில் ஆளும் பாஜக அரசையும், புதுச்சேரியில் என்.ஆர். காங்கிரஸ் மற்றும்  அதிமுகவுக்கும் புதுச்சேரி மாநில மக்கள் சட்டப்பேரவைத் தேர்தலில் தகுந்த தண்டனை கொடுப்பார்கள் என்று நாராயணசாமி தெரிவித்தார்.



தொடர்புடைய செய்திகள்

1. புதுச்சேரியில் ஜனாதிபதி ஆட்சி அதிகாரப்பூர்வ அறிவிப்பு!
புதுச்சேரியில் ஜனாதிபதி ஆட்சி அமல்படுத்தப்படுவதாக அதிகாரப்பூர்வ அறிவிப்பு வெளியிடப்பட்டு உள்ளது
2. புதுச்சேரியில் ஜனாதிபதி ஆட்சிக்கு மத்திய அமைச்சரவை ஒப்புதல்
புதுச்சேரியில் ஜனாதிபதி ஆட்சியை அமல்படுத்த இன்று நடந்த மத்திய அமைச்சரவை கூட்டத்தில் ஒப்புதல் வழங்கியுள்ளதாக மத்திய அமைச்சர் பிரகாஷ் ஜாவடேகர் தெரிவித்துள்ளார்.
3. புதுச்சேரி:காங்கிரஸ் ஆட்சியை இழந்த நிலையில், எதிர்க்கட்சிகள் ஆட்சி அமைக்க விரும்பவில்லை;ஜனாதிபதி ஆட்சிக்கு வாய்ப்பு?
புதுச்சேரியில் காங்கிரஸ் ஆட்சியை இழந்த நிலையில், எதிர்க்கட்சிகள் ஆட்சி அமைக்க விரும்பவில்லை;ஜனாதிபதி ஆட்சிக்கு வாய்ப்பு என தகவல் வெளியாகி உள்ளது.
4. புதுச்சேரி : இன்று நடைபெற்ற எம்.எல்.ஏ.க்கள் கூட்டத்தில் எந்த முடிவும் எடுக்கவில்லை
புதுச்சேரி பெரும்பான்மையை நிரூபிக்க கவர்னர் உத்தரவை தொடர்ந்து இன்று நடைபெற்ற எம்.எல்.ஏ.க்கள் கூட்டத்தில் எந்த முடிவும் எடுக்கவில்லை.
5. புதுச்சேரியில் 22 ந்தேதி பெரும்பான்மையை நிரூபிக்க முதல்வர் நாராயணசாமி அரசுக்கு கவர்னர் உத்தரவு
புதுச்சேரியில் 22 ந்தேதி பெரும்பான்மையை நிரூபிக்க முதலல்வர் நாராயணசாமி அரசுக்கு கவர்னர் தமிழிசை சவுந்தரராஜன் உத்தரவிட்டு உள்ளார்.