ஐ.பி.எல் ப்ளேஆப் சுற்றுக்கு தகுதி பெறப்போகும் அணிகள் எவை?


ஐ.பி.எல்  ப்ளேஆப் சுற்றுக்கு தகுதி பெறப்போகும் அணிகள் எவை?
x
தினத்தந்தி 27 Sep 2021 1:03 PM GMT (Updated: 27 Sep 2021 1:03 PM GMT)

சி.எஸ்.கே மற்றும் டெல்லி கேப்பிட்டல்ஸ் அணிகள் ப்ளேஆப் சுற்றுக்கு செல்வது உறுதியாகி விட்டது மீதமுள்ள அணிகள் எவை என்பது வரவிருக்கும் ஆட்டங்களில் அணிகள் பெறப்பொகும் வெற்றியை பொறுத்து அமையும். 4 அணிகள் ஒரு இடத்திற்காக போட்டியிடுகின்றன.

துபாய்,

2021 ஐ.பி.எல் தொடரில் 39 லீக் போட்டிகள் முடிவடைந்து விட்டன. தற்போதைய நிலையில் சி.எஸ்.கே மற்றும் டெல்லி கேப்பிட்டல்ஸ் அணிகள் ப்ளேஆப் சுற்றுக்கு செல்வது உறுதியாகி விட்டது மீதமுள்ள அணிகள் எவை என்பது வரவிருக்கும் ஆட்டங்களில் அணிகள் பெறப்பொகும் வெற்றியை பொறுத்து அமையும். 4 அணிகள் ஒரு இடத்திற்காக போட்டியிடுகின்றன.

இன்னும் 17 லீக் ஆட்டங்கள் மீதமிருக்கும் நிலையில் 8 அணிகளுக்குமான ப்ளேஆப் வாய்ப்புகள் குறித்து அறியலாம். 

1) சி.எஸ்.கே - புள்ளிப்பட்டியலில் முதலிடதில் உள்ள சி.எஸ்.கே அணி ப்ளேஆப் சுற்றுக்கு தகுதி பெற 96.7% வாய்ப்புள்ளது.

2)டெல்லி கேப்பிட்டல்ஸ் - புள்ளிப்பட்டியலில் சி.எஸ்.கே அணியுடன் சம நிலையில் இருக்கும் டெல்லி அணி, ரன் ரேட் அடிப்படையில் சற்று குறைவாக இருப்பதால் 95% ப்ளேஆப் சுற்றுக்கு தகுதி பெறும் வாய்ப்பு உள்ளது.

3) ராயல் சேலஞ்சர்ஸ் பெங்களூரு - தற்போது 12 புள்ளிகளுடன் 3-வது இடத்தில் இருக்கும் பெங்களூரு அணிக்கு 94.9% ப்ளேஆப் சுற்றுக்கு தகுதி பெறும் வாய்ப்பு உள்ளது. 26% முதல் இரண்டு இடங்களுக்குள் வரும் வாய்ப்பும் உள்ளது.

 இந்த 4 அணிகளை தவிர்த்து மற்ற அணிகளுக்கு ப்ளேஆப் சுற்றுக்கு தகுதி பெறும் வாய்ப்பு சிறப்பாக இல்லை.

4) கொல்கத்தா நைட் ரைடர்ஸ் அணி 4-வது இடத்தில் உள்ளது.36% ப்ளேஆப் சுற்றுக்கு தகுதி பெறும் வாய்ப்பு உள்ளது.

5)பஞ்சாப் கிங்ஸ் அணிக்கும் 36% தகுதி பெறும் வாய்ப்பு உள்ளது.

6)ராஜஸ்தான் ராயல்ஸ் அணி 6-வது இடத்தில் உள்ளது.மற்ற அணிகளை கட்டிலும் இன்னும் விளையாட  ஒரு போட்டி அதிகமாக உள்ளதால் 55% தகுதி பெறும் வாய்ப்புடன் உள்ளது.

7)மும்பை இந்தியன்ஸ் அணி 36%  தகுதி பெறும் வாய்ப்பு உள்ளது.

8)கடைசியில் உள்ள சன்ரைசர்ஸ் ஐதராபாத் அணிக்கும் கணித கணக்குப்படி ப்ளேஆப் சுற்றுக்கு தகுதி பெறும் வாய்ப்பு உள்ளது.இன்று நடைபெறும் போட்டியில் தோற்றால் அந்த அணியால் தகுதி பெற முடியாது.

 சி.எஸ்.கே, டெல்லி, பெங்களூரு ஆகிய அணிகள் 95% ப்ளேஆப் சுற்றுக்கு தகுதி பெற்றுவிடும் வாய்ப்பு உறுதியாகிவிட்ட நிலையில், மீதமுள்ள ஒரு இடத்திற்கு தான் போட்டி கடுமையாகி இருக்கிறது.

Next Story