10 கிலோ கஞ்சா பறிமுதல்; வியாபாரி கைது

சோமரசம்பேட்டை:

திருச்சி ராம்ஜிநகரை அடுத்த மலைப்பட்டி நாகாத்தம்மன் கோவில் அருகே கஞ்சா விற்பனை செய்யப்படுவதாக போலீசாருக்கு ரகசிய தகவல் கிடைத்தது. அதன்பேரில் ராம்ஜிநகர் போலீஸ் சப்-இன்ஸ்பெக்டர் குமார் தலைமையிலான போலீசார் சம்பவ இடத்துக்கு விரைந்து சென்று சோதனை நடத்தினார்கள். அப்போது அந்த பகுதியில் சட்டவிரோதமாக புதுத்தோட்டம் பகுதியை சேர்ந்த பாரதிராஜன் (வயது 41) என்பவர் கஞ்சாவை பதுக்கிவைத்து விற்பனை செய்தது தெரியவந்தது. இதைத்தொடர்ந்து அவரை கைது செய்த போலீசார், அவரிடம் இருந்து 10 கிலோ கஞ்சாவை பறிமுதல் செய்தனர்.