நடந்து சென்ற பெண்ணிடம் 10 பவுன் பறிப்பு

மதுரை திலகர்திடல் மணிநகரம் பகுதியை சேர்ந்தவர் சுதர்சன். இவருடைய மனைவி கார்த்திகா (வயது 34). சம்பவத்தன்று இவர், அந்த பகுதியில் உள்ள ஆஸ்பத்திரி அருகே நடந்து சென்று கொண்டிருந்தார். அப்போது, மோட்டார் சைக்கிளில் வந்த 2 பேர், அவர் அணிந்திருந்த 10 பவுன் நகையை பறித்து விட்டு தப்பி சென்றனர். இதுகுறித்து, கார்த்திகா அளித்த புகாரின் பேரில் திலகர் திடல் போலீசார் வழக்குப்பதிவு செய்து விசாரித்து வருகின்றனர்.