சென்னையில் 11-ந்தேதி மாரத்தான் ஓட்டம் - போக்குவரத்து மாற்றம்

சென்னை,

சென்னையில், வருகிற 11ந்தேதி (ஞாயிற்றுக்கிழமை) சாஸ்திரி நகரில் தொடங்கி விவேகானந்தர் இல்லம் வரை மாரத்தான் ஓட்டம் நடைபெற உள்ளது. அன்றைய தினம் காலை 5 மணி முதல் காலை 8 மணி வரை மாரத்தான் ஓட்டம் நடைபெறும் என்று அறிவிக்கப்பட்டு உள்ளது.

இதையொட்டி அடையாறு, மயிலாப்பூர் பகுதிகளில் போக்குவரத்து மாற்றம் செய்யப்படும் என்று போக்குவரத்து போலீசார் அறிவிப்பு வெளியிட்டுள்ளனர். போக்குவரத்து மாற்றத்துக்கு பொதுமக்கள் ஒத்துழைப்பு வழங்கவேண்டும் என்றும் போலீசார் வேண்டுகோள் விடுத்துள்ளனர்.